| 2. |
Aangeheg by hierdie omsendbrief is die volgende amptelike skedules wat gebruik moet word deur skole in die WKOD vanaf Januarie 2008. Skole is welkom om hierdie skedules vir 2007 te gebruik indien hulle dit wil doen.
|
| 3. |
'n Skedule is 'n kwartaallikse rekord wat vier keer per jaar aan die einde van elke skoolkwartaal opgestel word. Dit verskaf 'n opsomming van die vordering van al die leerders in 'n spesifieke graad in 'n skool. 'n Skedule word benodig om die vordering, bevordering of retensie van 'n leerder te magtig. Die jaareinde se skedule moet deur die prinsipaal en 'n aangewese departementele beampte onderteken word. Sodra die skedule deur die prinsipaal en 'n departementele beampte onderteken is, is dit 'n regsgeldige dokument.
|
| 4. |
Jaareindskedules sal voltooi word vir graad R - 12 aan die einde van die eerste tot derde kwartaal. Die jaareinde se skedule vir graad R - 11 is 'n samestelling van leerderprestasie oor al vier die skoolkwartale.
|
| 4.1 |
Die jaareinde se uitslae van die graad 9-leerders sal gebaseer word op DASS (75%) en die eksterne Algemene Assesseringstaak (25%). Die graad 9-skedule is ook beskikbaar op die graad 9 datavasleggings-CD vir 2007.
|
| 4.2 |
Geen jaareindeskedule sal voltooi word vir graad 12-leerders nie, aangesien hulle die eksterne Nasionale Senior Sertifikaat-eksamen sal aflê.
|
| 5. |
Dit is nie nodig om skedules vir kwartale 1 tot 3 te druk nie.
|
| 6. |
Gedrukte jaareindskedules moet deur die skool veilig bewaar word vir die hele bestaan van die skool en moet toeganklik wees vir alle relevante belanghebbendes. Hulle mag nie vernietig word nie. Dit word aanbeveel dat die skole die skedules op A3-papier druk.
|
| 7. |
In 2007 moet twee gedrukte afskrifte van die goedgekeurde en ondertekende skedules aan die kringbestuurder oorhandig word.
|
| 8. |
Vanaf 2008, na die jaareindskedules vir alle grade afgeteken is, moet elektroniese kopieë per e-pos gestuur word of 'n CD moet verskaf word aan OBID vir elektroniese bewaring.
|
| 9. |
Skole mag elektroniese weergawes van hierdie skedules gebruik, op voorwaarde dat dieselfde inligting ingesluit word. Elektroniese weergawes van hierdie skedules is beskikbaar vanaf OBOS-assesseringskoördineerders, of kan afgelaai word van die assesserings-webtuiste http://curriculum.wcape.school.za/site/21/page/view
|
| 10. |
Voltooiing van die skedules
|
| 10.1 |
Prinsipale kan OBOS-assesseringskoördineerders om inligting en leiding skakel.
|
| 10.2 |
Die eerste bladsy van elke skedule bevat die instruksies oor hoe om die skedule te voltooi.
|
| 10.3 |
By hierdie omsendbrief aangeheg sal u vind Bylae A met meer inligting oor hoe die finale vorderings- en bevorderingskode verkry sal word.
|
| 11. |
Prinsipale word bedank vir hulle samewerking en ondersteuning.
|
GETEKEN: S.M. NAICKER
HOOF: ONDERWYS
DATUM: 2007:09:14
|