Mediavrystelling

24 Julie, 2003


Seks-onderrig nie genoeg nie

Verklaring deur Adv. André Gaum, Minister van Onderwys in die Wes-Kaap

Ek is besorg oor die onlangse bevinding dat tiener-seks aan die toeneem is, soos die afgelope week in die media berig is.

Benewens die ooglopende gevare daarvan dat onverantwoordelike seksuele aktiwiteit toeneem onder jongmense, soos die toename in MIV-infeksies en ander seksueel oordraagbare siektes, kan hierdie bevinding ook 'n aanduiding wees van die toenemende verbrokkeling van morele waardes in ons gemeenskappe.

Alhoewel ons departement 'n leidende rol speel in die stryd teen MIV/VIGS deur ons programme, waarvan die belangrikste fokus is om seksuele omgang tussen jongmense uit te stel, besef ons dat ons aan verskeie fronte nie die uitdaging alleen kan hanteer nie.

Skole het die ondersteuning van en vennootskappe met verskillende gemeenskapsnetwerke soos maatskaplike diens-, ontwikkelings- en godsdienstige organisasies, nodig. Die vraag na die vaslê van morele waardes by ons kinders, lê aan die hart van die kwessie en dit het die samesnoering van die kragte van alle sektore van die samelewing en van alle rolspelers nodig. Onderrig aangaande seksuele verantwoordelikheid is nie genoeg nie. Leerders het nodig om so omvattend as moontlik ondersteun te word ten einde morele waardes deel te maak van hul daaglikse lewe.

Ek doen dus 'n dringende beroep op alle ouers, skole en maatskaplike en godsdienstige netwerke om betrokke te raak by projekte in plaaslike gemeenskappe wat verantwoordelike waardes vir ons kinders leer.

Ons moet die stryd vir 'n morele herbewapening van al ons gemeenskappe voortsit indien ons armoede en die effek van VIGS op 'n volhoubare manier wil uitwis. My departement maak seker dat ons, ons deel doen in die verband deur die Lewens Oriënterings programme in ons skole.

Met hierdie leerarea poog ons om ons jongmense die nodige waardes, etiek en vaardighede aan te leer wat verantwoordelike optrede sal verseker in alle verhoudings, ongeag of dit seksueel is of nie. Daar is spesifieke komponente in die lewensvaardighede- en die lewens oriënterings-leerarea wat seksuele gesondheid en onderrig behels – nie as 'n aanhangsel nie, maar as 'n verpligte deel van die kurrikulum.

In graad R verduidelik die kurrikulum die reg van die kind om "nee" te sê vir seksuele misbruik, en leer die kind hoe om dit te doen. In graad 1 word leerders gewys hoe om situasies wat moontlik tot misbruik kan lei, te herken, en leer die kind waar hy of sy dit rapporteer.

In graad 7 hanteer leerders gemeenskapswaardes, sosiale druk en hul persoonlike ervarings aangaande seksualiteit. In graad 9 evalueer die leerders verskillende hulpbronne vir gesondheidsinligting, -dienste en die behandelingsmoontlikhede vir seksuele siektes en ook vir HIV/VIGS.

Intussen is die Wes-Kaapse Onderwysdepartement besig met utgebreide MIV/VIGS programme in skole wat die kwessies van seksualiteit op 'n verskeidenheid van toepaslike maniere volgens die bepaalde ouderdomsgroepe van die leerders wat betrokke is, hanteer. (Vir verdere inligting aangaande hdie MIV/VIGS programme, gaan na die MIV/VIGS webblad by http://wced.wcape.gov.za).


Navrae:   Rudi Buys   082 577 6551


©2003 WCED