Meer as 65 hoërskoolleerders van die Suid-Kaap het hierdie week by die Klein Karoo Nasionale Kunstefees (KKNK) te Oudtshoorn opwindende nuwe idees oor kuns uitgeruil met twee vooraanstaande SA-kunstenaars.

Die twee kunstenaars, Jaco Siberhagen en Mmakgabo Sebidi, asook Vic Vaccaro, die Visuele Kunste adviseur vir die Suidkaap/Karoo distrik van die Wes-Kaap Onderwysdepartment, het 'n werkswinkel vir die leerders by die Principia Kollege te Oudtshoorn gereël.

Die werkswinkel het aan die leerders die geleentheid gebied om saam met 18 kunstenaars van regoor Afrika hul kuns by die KKNK-uitstalling "Die Drome van ons Dogters" te wys.

Mmakgabo Sebidi se werke vorm deel van die matrieksillabus. Die werkswinkel het matriekleerders wat Kuns neem ook die geleentheid gegee om hierdie internasionaalbekende kunstenaar te ontmoet en met haar oor haar lewe en kuns te gesels.

Vaccaro het gesê dat dit vir hom verfrissend was om te sien hoe gemaklik sy met die leerders gekommunikeer het. "Hulle het gelag en gesels, en stories oor hul kinderdae gedeel. Hulle het ook die feit bespreek dat kunstenaars van Afrika eintlik die beste van twee wêrelde het, want hulle het tot hulle beskikking beide 'moderne' en 'tradisonele' maniere van visuele kommunikasie.

"Mmakgabo het die leerders herinner dat hulle bevoorreg is om op die platteland groot te word en dat hulle die dinge wat eie is aan hulle in hulle kuns moet gebruik.

"Die leerders moes byvoorbeeld tydens die werkswinkel bruin oksiede in plaas van kommersiële verf en hoendervere in plaas van kwasse moes gebruik."

'n Beeldhouwerk van Jaco Siberhagen, "Deel hulle Droom", het die gees van die uitstalling geïllustreer. Die beeldhouwerk word soos volg beskryf:

"Toue is uit die dak van die lokaal gehang tot op 'n punt waar hulle deel vorm van 'n geweefde materiaal in 'n handgemaakte weefraam. Dit simboliseer die verenigde oorsprong (in Afrika gebore of gevorm) van die kunstenaars. Op oogvlak is 'n stuk materiaal van die kunstenaars gehang met 'n klein handgemaakte droomboekie vasgemaak aan die tou. Die toue simboliseer ook voetpaaie vir jong meisies om te volg. Elkeen wat iets groots tot stand bring, skep 'n voetpad vir iemand anders om te volg."

Vaccaro sê verder: "Die hele ervaring het gekulmineer in 'n Uitvoering-kunswerk deur Antoinette Pienaar. Ons is almal vasgevang deur haar musiek en tradisionele stories van die leerrug waterskilpad, wat moederskap verteenwoordig, en haar eiers, wat "droompies gebore aan ons gedurende ons lewens", verteenwoordig.

"Die werkswinkel het 'n opwindende geleentheid gebied vir almal om saam kuns en die lewe te vier. Ons is innig dankbaar aan die kunstenaars wat hierdie ervaring moontlik gemaak het."

Die internasionaalbekende Suid-Afrikaanse kunstenaar, Mmakgabo Sebidi, help leerders by die KKNK-werkswinkel.	Jong kunsternaars maak kunswerke saam met kunstenaars, Mmakgabo en Jaco Sieberhagen.