Verklaring deur André Gaum, Minister van Onderwys in die Wes-Kaap

Die inwyding van die opgegradeerde fasiliteite van hierdie Onderwys Bestuur en Ontwikkelings Sentrum (OBOS), is ‘n mylpaal in die uitvoering van die WKOD se visie van effektiewe onderwys vir almal.

Die ontwikkeling en uitbreiding van elke OBOS is van kardinale belang omdat dit die kanaal is waarlangs die verspreiding van bronne, implementering van beleid en uitvoering van projekte plaasvind. Ons is ernstig oor effektiewe dienslewering.

Een van die moontlikhede wat ondersoek word is dat elke OBOS as satelietkmpusse vir die Kaapse Onderwysinstituut kan funksioneer.

Die spesifieke geboue word reeds sedert 1942 gebruik om opvoedkundige instellings te huisves. Die OBOS beoog om dié tradisie van die terrein uit te brei deur as platform te dien vir ontwikkeling in die plaaslike gemeenskap.

Baie spesifiek beoog die OBOS om disfunksionaliteit en lusteloosheid uit te roei. Geen kompromie kan geduld word in die vestiging van ‘n leerkultuur en dissipline nie.