Home | Media Releases Index page


Mediavrystelling

14 Maart, 2003


Reaksie op die sterftes van kinders as gevolg van bendegeweld

Verklaring deur André Gaum, Minister van Onderwys in die Wes-Kaap

Drastiese aksie is nodig om ons skoolkinders van die voortstuwende naakte geweld van gewetenlose, goddelose bendes te red. Dit word onderstreep deur die tragiese feit dat ‘n derde kind, Desmoné Smith, binne enkele dae die slagoffer van bendegeweld geword het.

Daarom steun ek die Premier se versoek dat die weermag dringend ingeroep word, heelhartig. Daar is geen ander keuse nie as om vuur met vuur te beantwoord. Dit is klaarblyklik al taal wat die bendes wat nie ‘n aks vir ons kinders omgee nie, sal verstaan.

Die spoedige goedkeuring van weermagaksie het nou gebiedend noodsaaklik geword ten einde die situasie te stabiliseer.

Navrae:   Rudi Buys   082 577 6551


 keer terug na: Home | Media Releases Index page