| 1. |
Ngokumalunga neNgcaciso yeCandelo loLawulo lwezaBasebenzi ngoBuchule 0002/2018, yomhla we-07 Matshi 2018, inyathelo elilandelayo kwi-Performance Management and Development System (PMDS) njengoko kuchaziwe kwiSigqibo noMyalelo ongeNkqubo yoLawulo lweNtsebenzo noPhuhliso lwaBasebenzi kubaqeshwa benkonzo karhulumente abakwinqanaba lomvuzo 1 ukuya ku-12, kungabandakanywanga amalungu eNkonzo yaBaphathi abaKhulu (Determination and Directive on the PMDS for employees other than members of the Senior Management Service (SMS)), kukucacisa indlela yokwenziwa kweerivyu zentsebenzo zaphakathi enyakeni. |
| 2. |
Intsebenzo yabaqeshwa mayibekwe esweni ziisuphavayiza ngokuqhubekekayo, inenkcazo eyenziwe ngomlomo ngentsebenzo yomqeshwa ukuba intsebenzo yomqeshwa iyonelisa yaye ikuxwebhu olubhaliweyo ukuba intsebenzo yomqeshwa ayanelisi. |
| 3. |
Iirivyu zentsebenzo zaphakathi enyakeni nokuhlolwa kwaqho ngonyaka kwentsebenzo kunyanzelekile yaye makwenziwe kumaxwebhu abhaliweyo. Uhlolo lwaqho ngonyaka luya kubonisa intsebenzo yomqeshwa kumjikelo wentsebenzo opheleleyo (Apreli ukuya kuMatshi). Uhlolo lwaqho ngonyaka maluqhutywe nokuba ngaba umqeshwa ebeqeshwe ngaphantsi kweenyanga eziyi-12 kuloo mjikelo. |
| 4. |
Kuqhotyoshelwe apha iithemplethi zokuzaliswa kweerivyu zaqho ngekota ukwenzela iinjongo zabaqeshwa abasengabalingwa, iirivyu zaqho kwiinyanga ezintandathu (IsiHlomelo C1) nezokuhlolwa kokugqibela (IsiHlomelo C2) yaye zisebenza kuphela kubaqeshwa abasezikolweni. Abaqeshwa abasezi-ofisini mabafake kwikhompyutha iirivyu zaqho ngekota zabo ukwenzela iinjongo zabaqeshwa abasengabalingwa, iirivyu zaqho kwiinyanga ezintandathu nokuhlolwa kokugqibela kwiPERMIS. |
| 5. |
Isikali sereyithingi esinamaqondo amahlanu (five-point rating scale) sitshintshwe ngesikali sereyithingi esinamaqondo amane (four-point rating scale) esiya kusetyenziswa ukuhlola intsebenzo yabaqeshwa kumjikelo ka-2018/2019. Ireyithingi ka-"3" kwisikali iqulethe "intsebenzo epheleleyo" into ethetha ukuba loo mqeshwa ureyithwa njengomqeshwa "onentsebenzo epheleleyo" ozifezekise ngokupheleleyo iimfuno ezimiselweyo zomsebenzi. Isikali sereyithingi sikutshintsha oku kube ngamanqaku ako konke angu-100%. Kuphela ngamanani apheleleyo amakasetyenziswe ukunika amanqaku (akavunyelwanga amaqhezu (decimals numbers), umz. 3,5)
Le theyibhile ingezantsi icacisa esi sikali sereyithingi siyi-four-point rating scale, iindidi zentsebenzo neenkcazo ezihamba kunye nazo:
| Ireyithingi |
Iindidi namanqaku |
Inkcazo |
| 1 |
Ayibonakali intsebenzo
(ingaphantsi okanye ilingana no-66%) |
Intsebenzo ayifikeleli kumgangatho olindelekileyo kulo msebenzi. Irivyu/ukuhlolwa kubonisa ukuba umqeshwa ufumene ngaphantsi kweziphumo zentsebenzo ebonakala ngokupheleleyo xa kuthelekiswa nazo zonke okanye phantse zonke iindidi zentsebenzo nezalathi njengoko zicacisiwe kwiMvumelwano (PA) yeNtsebenzo nesiCwangciso soMsebenzi. |
| 2 |
Intsebenzo ibonakala ngokungaphelelanga
(67%–99%) |
Intsebenzo iyayifikelela eminye imigangatho elindelekileyo kulo msebenzi. Irivyu/ukuhlolwa kubonisa ukuba umqeshwa ufumene ngaphantsi kweziphumo zentsebenzo ebonakala ngokupheleleyo (intsebenzo ibonakala ngokungaphelelanga) xa kuthelekiswa ngaphezu kwehafu yeekhrayitheriya zentsebenzo nezalathi njengoko zicacisiwe kwiMvumelwano (PA) yeNtsebenzo nesiCwangciso soMsebenzi. |
| 3 |
Intsebenzo epheleleyo
(100%–119%) |
Intsebenzo iyifikelela ngokupheleleyo imigangatho elindelekileyo kuzo zonke iinkalo zomsebenzi. Irivyu/ukuhlolwa kubonisa ukuba umqeshwa ufumene ngaphantsi kweziphumo zentsebenzo ezizezona zincinane ezibonakala ngokupheleleyo xa kuthelekiswa nazo zonke iikhrayitheriya zentsebenzo nezalathi njengoko zicacisiwe kwiMvumelwano yeNtsebenzo (PA) nesiCwangciso soMsebenzi. |
| 4 |
Intsebenzo egqwesileyo
(120%–133%) |
Intsebenzo iyawogqitha ngokungaphezulu umgangatho olindelekileyo kumqeshwa kweli nqanaba. Irivyu/ukuhlolwa kubonisa ukuba umqeshwa ufumene bhetele kuneziphumo zentsebenzo ezibonakala ngokupheleleyo xa kuthelekiswa ngaphezu kwehafu/okanye kwazo zonke iinkalo zekhrayitheriya yeziphumo zentsebenzo nezalathi njengoko zicacisiwe kwiMvumelwano yeNtsebenzo (PA) nesiCwangciso soMsebenzi yaye uwugcinile lo mgangatho kuzo zonke iinkalo zomsebenzi kumjikelo wentsebenzo. |
|
| 6. |
Ikhalityhuleyitha yohlolo lwentsebenzo iya kusetyenziselwa ukubala amanqaku entsebenzo ewonke ohlolo lwentsebenzo yaqho ngonyaka. |
| 7. |
Kubalulekile ukuba imihla emiselweyo ngokwekhalenda ye-Staff Performance Management and Development System (SPMDS) nekhalenda yokucwangcisa yezikolo mayilandelwe ngokungqongqo, ingakumbi umhla omiselweyo weerivyu zaqho ngeenyanga ezintandathu namanqaku ohlolo lokugqibela. Abaqeshwa abayi kufumana zibonelelo zizizikhuthazi zentsebenzo xa ngaba amaxwebhu awangeniswanga ngexesha.
Imihla emisiweyo kumjikelo ka-2018/2019 yile ilandelayo:
| Umsebenzi |
Umhla omisiweyo |
| Makugqitywe iirivyu zaqho ngeenyanga ezintandathu yaye kungeniswe izatifikethi |
26 Oktobha 2018 |
| Makugqitywe yaye kungeniswe amanqaku okuhlolwa kokugqibela |
19 Apreli 2019 |
|
| 8. |
Ukuba umqeshwa akakho ngemvume okanye ngenxa yokuba enqunyanyisiwe ngokwemiqathango ethile kangangethuba leenyanga ezintathu okanye elingaphezu koko, umqeshwa ochaphazelakayo uya kuthathwa njengobenentsebenzo eyanelisayo ngelo thuba lokungabikho kwakhe lalo mjikelo wentsebenzo uchaphazelekayo (njengoko kuchaziwe kuMmiselo 72(12) we-Public Service Regulations (PSR) kwiGazethi kaRhulumente No. 40167 ye-29 Julayi 2016). Amathuba okungabikho exesha elide ngaphandle kwemvume abandakanya zonke iindidi zekhefu elivunyiweyo. |
| 9. |
Iindlela zokusonjululwa kwengxabano mazibandakanye naziphi na iiyantlukwano ezinokubakho ngenxa yeemvumelwano zentsebenzo, iirivyu zentsebenzo nokuhlolwa kwentsebenzo. Nakuphi na ukungavumelani makuqale kusonjululwe ngaphakathi kwelo ziko/yunithi/khomponethi/sebe. Ukuba ingxabano ibangelwe kokuchatshazelwe kuMmiselo 72(4) we-PSR, iGunya leSigqeba (Executive Authority) okanye elo gosa kudluliselwe kulo amagunya, liya kunyula umlamli (mediator), noya kuba ngumqeshwa, oya kuyiqwalasela ingxabano ingadlulanga inyanga enye emva kokuphela komhla omisiweyo wokusayinwa kwe-Mvumelwano zeNtsebenzo (PA). |
| 10. |
Abaqeshwa abaqeshwe njengabalingwa banyanzelekile bagqibe iirivyu zaqho ngekota ezine (four quarterly reviews) nokuhlolwa kokugqibela okuya kusetyenziselwa ukungqinisisa ukuqeshwa kwabo njengabalingwa. |
| 11. |
Abaqeshwa bakwaNdlunkulu nakwii-ofisi zezithili mabagqibe iirivyu zekota zabo kwi-PERMIS. |
| 12. |
Abasebenzi abanika inkxaso ezikolweni baya kuqhubeka ngokulandela iirivyu ezenziwa emaphepheni (paper-based review) nenkqubo yokuhlolwa kwentsebenzo yaqho ngonyaka de kukhutshwe esinye isaziso. |
| 13. |
Kucelwa wazise ngokuqulethwe yile ngcaciso imfutshane kubo bonke abasebenzi abaphantsi kolawulo lwakho ukuze bakuthathele ingqalelo. |
ISAYINWE: NGU-LJ ELY
USEKELA MLAWULI-JIKELELE WEENKONZO ZEZIKO
UMHLA: 2018:09:14
|
 |