1. ISebe leMfundo leNtshona Koloni (ISebe iWCED) linqwenela ukupapasha ukufumaneka kweebhasari eziyi-66 zeemeko ezizodwa zeFunza Lushaka (extraordinary Funza Lushaka bursaries) zonyaka wokufunda ka-2019 kubafundi beBakala 12 abanenjongo yokulandela izifundo zokufumana isiqinisekiso sokuqeqeshelwa ukufundisa (formal teaching qualification).

2. ISebe leMfundo esiSiseko kuzwelonke (ISebe i-DBE) linebhasari ebizwa ngokuba yiFunza Lushaka Bursary Scheme, enikwa abafundi abapasa emagqabini ibhasari yokuhlawula ngokupheleleyo iifizi zokufunda, ezendawo yokuhlala nokutya, isibonelelo seencwadi zezifundo, seenowuthsi nefizi zelebhu (notes and laboratory fees) (apho kufanelekileyo), nesitayiphendi esiyimali yaqho ngenyanga (monthly stipend) yokuhlawulela iintwanantwana eziyimfuneko (basic living expenses).

3. I-Funza Lushaka Bursary Scheme yiprogram yeminyaka ngeminyaka (multi-year programme) eyaqaliswa ngo-2007 ukuphakamisa umsebenzi wokufundisa kwizikolo zikarhulumente njengekhondo elinokukhethwa ngabemi baseMzantsi Afrika abanako nabazimiseleyo. Le program iqhutywa apha kwiphondo, kwi-University of Western Cape kwi-Stellebosch University, naseCape Peninsula University of Technology.

4. Ngo-2012, iSebe i-DBE yaqalisa ngeprogram yokugaya abafundi eqhubekela kwizithili (district-based recruitment programme) ethagetha abafundi abakwiindawo ezithwaxwa yintlupheko (abafundi abakwizikolo ezingabizi zifizi okanye abakuxolelweyo ukuhlawula iifizi) ukubanceda ukuba bafumane iFunza Lushaka Bursary Scheme. Iibhasari eziyi-66 zeemeko ezizodwa (66 extraordinary bursaries) ziya kunikwa kuphela abavumayo ukufundisa kwizikolo ezikwiingingqi ezisemaphandleni kwizikolo ezisemaphandleni, bethathela ingqalelo iimfuno zezithili zemfundo ezisemaphandleni.

5. Ukunikwa iFunza Lushaka bursary kuxhomekeke kule miqathango ilandelayo:

  1. Iprogram iya kuxhasa ngemali abafundi abanqwenela ukugxininisa kwimfundo yeSigaba seSiseko (Foundation Phase education) (AmaBakala 1 - 3) okanye abo banenjongo yokufundela isidanga se-BEd, (nakwesiphi na esinye isigaba) begxininisa kwezi zifundo: Consumer Studies, Languages, Mathematics, Science kunye/okanye nezifundo zethekhnoloji.
  2. Ibhasari yeyonyaka wokufunda omnye ngexesha yaye, xa kukho ubungqina bokuphumelela kwizifundo, inokuhlaziywa kwakhona kunyaka ngamnye de lowo onikwe ibhasari aphumelele isiqinisekiso sokuba ngutitshala oqeqeshiweyo.
  3. Kuya kufuneka onikwe ibhasari afake isicelo kwakhona ekupheleni kuka-Oktobha kunyaka ngamnye ukulungiselela unyaka olandelayo.
  4. Akuyigqiba ikhosi yezifundo, umfundi onikwe ibhasari kuya kufuneka afundise esikolweni esisemaphandleni esikwingingqi yakhe ahlala kuyo njengangoku ithuba lonyaka omnye ngonyaka ngamnye afumene ibhasari ngawo.
  5. Ikopi yeziphumo zango-2017 zeBakala 11 zomenzi-sicelo mayingeniswe kunye nesicelo sokuqala.
6. Ngaphezulu, abenzi-sicelo abalindelekileyo mabenze izicelo zokwamkelwa kula maziko emfundo ephakamileyo (Higher Education Institutions) (ii-HEI) ahlukeneyo bethathela ingqalelo umhla wokuvala we-30 Juni 2018 yaye mabazifezekise iimfuno ezimiselweyo zokwamkelwa kula maziko azii-HEI ahlukeneyo achazwe kumhlathi 3 apha ngentla. Yikomiti yokhetho kaNdlunkulu weSebe iWCED eKapa, eya kunika iingcebiso kwiSebe leMfundo likazwelonke ngokuvunywa kweebhasari ngokwezinto aqaqambe ngazo umenzi-sicelo (on merit), ngokusekelwe kwezi khrayitheriya zezifundo (academic criteria) zizezona zisezantsi zilandelayo:

  1. Ukupasa kwinqanaba leBakala 12 ube nako "ukwamkelwa kwizifundo zesidanga sokuqala ("admission to Bachelor’s degree studies")
  2. Umenzi-sicelo makamkelwe kwiprogram yesidanga seBEd esivunyiweyo esigxininisa kwiinkalo ezimbini okanye ezingaphezulu zezifundo ezithathwa njengezibaluleke gqitha (priority areas).
  3. Ukupasa uLwimi lweeNkobe ngo-60% okanye ngaphezulu, uLwimi lokuQala oloNgezelelweyo ngo-50% okanye ngaphezulu nezinye izifundo ezine ngo-50%.
  4. Abafundi abanqwenela ukugxininisa kwiSigaba seSiseko, mabapase iMathematika okanye uLwazi lweMathematika (Mathematical Literacy) kwinqanaba leBakala 12.
  5. Abafundi abanqwenela ukugxininisa ekufundiseni izifundo zethekhnoloji, mababe bayipasile i-Mathematics/i-Technical Mathematics ne-Physical Sciences/Technical Science.
7. Umhla wokuvala ukwamkelwa kwezicelo yi-27 Julayi 2018. Abenzi-sicelo mabenze izicelo zabo ngokuzalisa le fom yesicelo iqhotyoshelweyo baze bayithumele kula magosa akhankanyiweyo.

Malunga nayo nayiphi imibuzo ngalo mba kungaqhagamshelwana nala magosa alandelayo kuNdlunkulu weSebe iWCED:
8. Kucelwa wazise okukule ngcaciso imfutshane bonke abafundi beBakala 12 ukuze bakuthathele ingqalelo.


ISAYINWE: NGU-LJ ELY
USEKELA MLAWULI-JIKELELE WEENKONZO ZEZIKO
UMHLA: 2018:05:22

"Funza Lushaka Application Form"  (ubukhulu: 75 KB)