| ISALANTHISO: | 20180122-8452
3/3/2/4/12 |
 | | IMIBUZO: | IZiko leeFoni | IFONI: | 021 467 2000 | IFEKSI: | 021 483 7658 |
INGCACISO EMFUTSHANE YECANDELO LOLAWULO LWABASEBENZI NGOBUCHULE: 0001/2018 |
IYA: | KumaSekela Balawuli-Jikelele, kuBalawuli abaziiNtloko, kuBalawuli, kumaSekela Balawuli, kuBaphathi beeSekethe, kwiiNtloko zoLawulo noKuphathwa kwamaZiko, kwiiNtloko zoKunika iNkxaso yeKharityhulam kwiZithili, kwiiNtloko zoKunika iNkxaso kuBafundi kwiZithili, kwiiNqununu nakubo bonke aBasebenzi beNkonzo kaRhulumente |
| UKUBALULEKA KOKUBA OOTITSHALA NABASEBENZI BENKONZO KARHULUMENTE BENZE ISICELO SEMVUME YOKWENZA UMSEBENZI OHLAWULELWAYO OWENZIWA NGAPHANDLE KWENKONZO KARHULUMENTE (REMUNERATIVE WORK OUTSIDE THE PUBLIC SERVICE) (RWOPS) NOKUQHUBA USHISHINO NEQUMRHU LIKARHULUMENTE |
| 1. |
Isiqendu 33 soMthetho wezeNgqesho yooTitshala, ka-1998 (uMthetho 76 ka-1998), isiqendu 30(b) soMthetho weNkonzo kaRhulumente, ka-1994, (uMthetho 103 ka-1994) nesiqendu 13(c) seMimiselo yeNkonzo kaRhulumente (Public Service Regulations) (PSR), ka-2016, ezipapashwe kwiGazethi kaRhulumente No. 40167 ye-29 Julayi 2016, zazisa bonke abaqeshwa ngembopheleleko yabo yokwenza isicelo semvume esuka kwiNtloko yeSebe (HoD) ukuba banqwenela ukwenza umsebenzi ohlawulelwayo ngaphandle kwenkonzo karhulumente. |
| 2. |
Abaqeshwa abangekayifuni nangoku imvume yokwenza umsebenzi ohlawulelwayo ngaphandle kwenkonzo karhulumente, kwakunye nabo banenjongo yokwenza umsebenzi ohlawulelwayo ngaphandle kwenkonzo karhulumente, mabangenise ngokukhawuleza izicelo zabo zokwenza umsebenzi ololu hlobo. Izicelo zivunywa ngonyaka-mali ngamnye (nge-01 Apreli ukuya kwi-31 Matshi yonyaka olandelayo) yaye ke ngoko abaqeshwa mabafake izicelo kwangaphambili qho ngonyaka. |
| 4. |
Umhlathi 13(c) weCandelo 1, kwiSahluko 2 seMimiselo yeNkonzo kaRhulumente, ka-2016 (Public Service Regulations, 2016), eqale ukusebenza ukususela nge-01 Agasti 2016 ucacisa ukuba umqeshwa:
"akayi kuqhuba ushishino nequmrhu likarhulumente nokuba leliphi na okanye abe ngumlawuli wenkampani karhulumente okanye eyabucala eqhuba ushishino nequmrhu likarhulumente, ngaphandle kokuba umqeshwa ololu hlobo ungumlawuli osesikhundleni wenkampani ekuluhlu lweshedyuli 2 no-3 zoMthetho woLawulo lweMali kaRhulumente (Public Finance Management Act)". Lo mqathando unokuguqulwa apho kuyimfuneko (mutatis mutandis), usebenze kubaqeshwa abaqeshwe ngokoMthetho weNgqesho yooTitshala, ka-1998 (uMthetho 76 ka-1998). |
| 5. |
Okusisiphumo kubasebenzi abaqhuba ushishino nequmrhu likarhulumente abangabalawuli benkampani karhulumente okanye inkampani yabucala kwakucacisiwe kwiNgcaciso eMfutshane yeCandelo loLawulo lwaBasebenzi ngoBuchule (Strategic People Management) 1/2017 yowe-21 Januwari 2017. |
| 6. |
Abaqeshwa abaneenkcukacha zabo zobuqu ezikwinkampani yabucala kwiCompanies and Intellectual Property Commission’s Register nabangasathathi nxaxheba kumsebenzi ohlawulelwayo ngaphandle kwenkonzo karhulumente, bayacelwa baqinisekise ukuba amagama abo akhutshiwe kwirejista ngokufanelekileyo. |
| 7. |
Abaqeshwa abanyanzelekileyo ukuchaza uchaphazeleko lwezemali lwabo nababefake isicelo semvume yokuqhuba umsebenzi ohlawulelwayo ngaphandle kwenkonzo karhulumente mabaqinisekise ukuba bayifaka ekhompyutheni (upload) ileta leyo ibanika imvume yokwenza umsebenzi ngaphandle kwenkonzo karhulumente kwinkqubo yokuchaza uchaphazeleko lwezemali lwangaphandle kwenkonzo karhulumente besebenzisa isistim yasekhompyutheni eyi-eDisclosure system. |
| 8. |
Abaqeshwa abanikwa intlawulo eyongezelelweyo liSebe leMfundo leNtshona Koloni (iWCED), abanxulumene, phakathi kwezinye izinto, nabamakishi beemviwo zematriki, abaqeqeshi/abaququzeleli kunye nootitshala abenza imisebenzi yokusuphavayiza ezihostele, akukho mfuneko yokuba bawuthobele umyalelo okumhlathi 5 njengoko iintlawulo ezongezelelweyo zigunyaziswa ngokwemigqaliselo yowiso-mthetho esebenzayo. |
| 9. |
Ukungayithobeli le mimiselo icaciswe kule ngcaciso imfutshane kungakhokelela ekubeni athathelwe amanyathelo oluleko umqeshwa. |
| 10. |
Kucelwa wazise okukule ngcaciso imfutshane bonke abasebenzi abaphantsi kolawulo lwakho ukuze bakuthathele ingqalelo. |
ISAYINWE: NGU-LJ ELY
USEKELA MLAWULI-JIKELELE WEENKONZO ZESEBE
UMHLA: 2018:01:30
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
