| ISALANTHISO: | 20180411-1102
4/2/3-2017/18 |
 | | IMIBUZO: | MJ Comer | IFONI: | 021 467 2000 | IFEKSI: | 021 483 7658 |
INGCACISO EMFUTSHANE YECANDELO LOLAWULO LWEMICIMBI YEZEMALI: 0002/2018 |
IYA: | KUMLAWULI OYINTLOKO WECANDELO LOKWAKHIWA KWEZIKOLO
KUMLAWULI WECANDELO LOKUCWANGCISELA UKWAKHIWA KWEZIKOLO
KUMLAWULI WECANDELO LOKUXHASA AMAZIKO NGEZIBONELELO
KUMLAWULI WECANDELO LOLAWULO LOKWENZIWA KWEENKONZO ZEZISEKO ZOPHUHLISO
KUMLAWULI OYINTLOKO WECANDELO LOLAWULO LWEMICIMBI YABASEBENZI
KUMLAWULI WECANDELO LAMALUNGELO AVELA KWINKONZO
KUMLAWULI WECANDELO LOKUGAYA NOKUKHETHA ABASEBENZI
KWISEKELA MLAWULI-JIKELELE WECANDELO LEZOLAWULO LWEZEMALI
KUMLAWULI WECANDELO LOLAWULO LOLWABIWO NOSETYENZISO LWEMALI
KUMLAWULI WECANDELO LOLAWULO LEMICIMBI YEZEMALI
KUMLAWULI WECANDELO LOLAWULO LOKUTHENGWA KWEEMPAHLA NEENKONZO
KUMLAWULI OYINTLOKO WOLAWULO LOVAVANYO NEEMVIWO
KUMLAWULI WECANDELO LOLAWULO LWEEMVIWO
KUMLAWULI OYINTLOKO WECANDELO LEZITHILI
KUMLAWULI OYINTLOKO WOLAWULO LWEKHARITYHULAM NOPHUHLISO LOOTITSHALA
KUMLAWULI WECANDELO LEKHARITYHULAM YE-FET |
| AMAGALELO (INPUTS) OKWENZA IINGXELO-MALI ZONYAKA-MALI KA-2017/18 |
| 1. |
Injongo yale ngcaciso imfutshane kukukukhumbuza ngamagalelo acelwa kuwe okulungiselela ukwenziwa kweengxelo-mali liSebe leMfundo leNtshona Koloni zonyaka-mali ka-2017/18. Le ngcaciso imfutshane mayifundwe neNgcaciso eMfutshane yoLawulo lweMicimbi yezeMali 0001/2018 (Financial Accounting Minute 0001/2018) engeenkqubo zokuvalwa kweBAS zonyaka-mali ka-2017/18. |
| 2. |
Ngokwesiqendu (40)(1)(c) soMthetho woLawulo lweMali kaRhulumente, uMthetho 1 ka-1999, (Public Finance Management Act (PFMA), 1999, (Act 1 of 1999)), njengoko ufakelwe izilungiso nguMthetho 29 ka-1999, iGosa eliMele ukuPhendula ngoSetyenziso lweMali (Accounting Officer) kufuneka lilungise iingxelo-mali zonyaka-mali ngamnye lize lizingenise ukuba ziphicothwe, zingadlulanga iinyanga ezimbini zokuphela konyaka-mali, kuMphicothi-zincwadi Jikelele (Auditor-General) (AG) nakuNondyebo wePhondo (Provincial Treasury), oya kulungisa iingxelo-mali ezidityanisiweyo (consolidated financial statements). Oku kuthetha ukuba iingxelo-mali zeSebe iWCED ezigqityiweyo zaza zasayinwa mazingeniswe ungadlulanga owe-31 Meyi 2018. |
| 3. |
Ukwenzela ukuba iCandelo leMicimbi yezeMali lingqinelane ngqo neemfuno ezingummiselo zePFMA, kubaluleke gqitha ukuba abantu abakolu luhlu luqhotyoshelwe apha, bangenise amagalelo abo kweli candelo ungadlulanga owe-25 Apreli 2018, ukuba akaxhomekekanga ekuvalweni konyaka-mali yaye ungadlulanga owe-04 Meyi ukuba axhomekeke ekuvalweni konyaka-mali. Kucelwa niziqaphele iimfuno ezingummiselo zikaNondyebo zokuba onke amagalelo namaxwebhu axhasayo, makangeniswe eziikopi ezingamaphepha (hard copies) nangokuthunyelwa ngekhompyutha (electronic format). Kuseyimfuno engummiselo nokuba onke amagalelo, makangqinisiswe njengachanekileyo (certified as correct) aze asayinelwe ngumlawuli okanye yisuphavayiza echaphazelekayo. Onke amagalelo makahanjiswe kunye namaxwebhu axhasayo apho kufanelekileyo. Kukwacetyiswa nokuba iphepha elineesignitsha zabantu abenza lo msebenzi maliskenwe yaye lingeniswe ngekhompyutha kunye namanye amaxwebhu, likwifomathi engu-Excel okanye engu-Word format. |
| 4. |
Ukwenza kube lula ukujonga isalathiso (reference), kuza kuthunyelwa nge-imeyili kwicandelo ngalinye iikopi ezisekhompyutheni zeethempleyithi emazisetyenziswe xa kulungiswa iingxelo-mali ezifanele icandelo elo, kwakunye nesikhokelo esifanelekileyo sokunceda xa kulungiswa ezi ngxelo-mali kubantu abakuluhlu oluqhotyoshelweyo. |
| 5. |
Nayiphi na imibuzo emalunga noku inokubhekiswa kuMnu MJ Comer kule nombolo yefoni 021 467 2736 okanye kuMnu Z Mpisi kule nombolo yefoni 021 467 2511. |
| 6. |
Iya kuthakazelelwa kakhulu intsebenziswano yenu malunga noku. |
ISAYINWE: NGU-LJ ELY
USEKELA MLAWULI-JIKELELE WEENKONZO ZEZIKO
UMHLA: 2018:04:16
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
