1. |
Weens die huidige finansiële beperkings en terugvoer wat van gebruikers ontvang is oor die huidige aanlyn stelsel, is daar besluit om die aanlyn werwingstelsel vir staatsdiens- en kantoorgebaseerde opvoeders na die interne stelsel te verskuif wat deur die Sentrum vir e-Innovasie (CeI) bestuur word. |
2. |
Aansoekers moet kennis neem van die volgende: |
2.1 |
Aansoekers wat reeds op die stelsel geregistreer is: e-Werwing vir Opvoeders, hoef nie weer te registreer nie. |
2.2 |
Alle inligting moet op die aanlyn portefeulje vasgelê word. |
2.3 |
Die stelsel sal 'n curriculum vitae (CV) vir u genereer. |
2.4 |
Dokumente hoef nie opgelaai te word nie. |
2.5 |
Indien u vir 'n onderhoud gekortlys word, moet gesertifiseerde kopieë van alle ondersteunende dokumentasie (d.w.s. kwalifikasies, bestuurderslisensie, identiteitsdokument, ens.) aan die onderhoudskomitee voorgelê word. |
3. |
Aansoeke vir geadverteerde poste kan slegs deur die aanlyn stelsel gedoen word wat vanaf 01 November 2018 in werking sal tree. |
4. |
'n Gebruikershandleiding, die WKOD-aanlyn Aansoekhandleiding vir Vakatures, is as Bylae A aangeheg. |
5. |
Verseker asseblief dat hierdie minuut aan alle werknemers gekommunikeer word. |
GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:10:31
|
|