1. Die prosedure vir die aanstelling van 'n kantoorgebaseerde opvoeder of 'n staatsamptenaar in 'n hoėr vakante en befondsde pos in 'n waarnemende hoedanigheid, en inligting oor die betaling van 'n toelae vir 'n waarnemende hoedanigheid in sodanige gevalle, is in Omsendbrief 0010/2010, 0142/2003 en 0103/2002 oorgedra. Hierdie minuut vul die bepalings van die vorige omsendbriewe aan.

2. Die volgende prosedures, soos volgens die stipulasies van Hoofstuk 1, Deel VII, paragraaf B5 van die Staatdiensregulasies van 2016, Staatsdienskoördineringsbedingingsraad (SDKBR) Resolusie 9 van 2001 en SDKBR Resolusie 1 van 2002 moet ten opsigte van die betaling van toelaes vir waarnemende hoedanighede nagekom word wanneer kantoorgebaseerde opvoeders of staatsamptenare vir aangestelling in 'n hoėr vakante en befondsde pos in 'n waarnemende hoedanigheid genomineer word.

  1. Slegs 'n permanent aangestelde werknemer van die Wes-Kaap Onderwysdepartement (WKOD) mag in 'n hoėr vakante en befondsde pos in 'n waarnemende hoedanigheid aangestel word. Enige kontrakaanstelling moet dus op die hoėr posvlak gedoen word.
  2. Die aanstellingstydperk moet ononderbroke en langer as ses weke wees, maar nie 12 maande oorskry nie.
  3. 'n Nuwe aansoek moet gedoen word vir 'n tydperk wat 12 maande oorskry. Sodanige aansoek sal nie as 'n verlenging gereken word nie en sal as 'n nuwe aansoek/kontrak/waarnemende tydperk hanteer word.
  4. Die hoof van die komponent moet die werknemer skriftelik van sy of haar aanstelling in die hoėr vakante en befondsde pos in 'n waarnemende hoedanigheid in kennis stel, en die werknemer moet die aanstelling skriftelik aanvaar of van die hand wys.
  5. 'n Toelae vir 'n waarnemende hoedanigheid sal betaal word, mits die pos vakant en befonds is. (Geen toelae vir 'n waarnemende hoedanigheid sal aan personeel wat in 'n pos waarneem omdat die permanente posbekleėr met verlof is, betaal word nie.)
  6. 'n Toelae vir 'n waarnemende hoedanigheid is die verskil tussen die werknemer se huidige salariskerf en die aanvangskerf van die hoer vakante en befondsde pos.
  7. Indien 'n werknemer op 'n salariskerf ('n persoonlike kerf ingesluit) is wat hoer is as die aanvangskerf van die hoer vakante en befondsde pos waarin hy of sy aangestel is, sal die toelae vir die waarnemende hoedanigheid die verskil tussen die huidige salariskerf en die volgende hoer salariskerf van toepassing op die hoer vakante en befondsde pos wees, mits daar 'n verskil is. Indien die hoer vakante en befondsde pos 'n Senior Bestuursdiens- (SBD-) pos is, is die verskil tussen die huidige salariskerf en 70% van die inklusiewe soepel vergoedingspakket betaalbaar, mits daar 'n verskil is. In die geval van kantoorgebaseerde opvoeders, sal 6 kerwe van toepassing wees.
  8. 'n Toelae vir 'n waarnemende hoedanigheid is niepensioendraend.
  9. 'n Toelae vir 'n waarnemende hoedanigheid sal maandeliks betaal word, mits die eerste betaling plaasvind in die maand nadat die ses weke waarna in paragraaf 2(b) hierbo verwys word, voltooi is.
3. Die nominasieproses:

  1. Die hoof van die komponent moet die nominasie maak.
  2. Die direkteur moet verifieer dat die nominasie aan die voorskrifte voldoen en seker maak dat alle dokumentasie ontvang is voordat die aansoek aanbeveel en na die Direkteur: Werwing en Keuring gestuur word.
  3. Waar daar meer as een kandidaat is, moet die direkteur deur 'n objektiewe keuringsproses gaan.
  4. Die beleid van die WKOD maak ook daarvoor voorsiening dat botallige personeel of ander toepaslik gekwalifiseerde werknemers in die afdeling die geleentheid gebied word om op 'n roteringsbasis waar te neem.
4. Die aangehegte aansoekvorm vir 'n toelae vir 'n waarnemende hoedanigheid moet by die Direkteur: Werwing en Keuring vir die prosessering van betaling ingedien word. 'n Volledige skriftelike motivering moet enige afwyking van die voorskrifte saamgaan.

5. Alle waarnemende aanstellings is onderworpe aan die goedkeuring van die Hoofdirekteur: Mensbestuurspraktyke. Alle pogings moet aangewend word om goedkeuring voor die aanvang van 'n waarnemende aanstelling te verkry.

6. Werknemers moet daarop let dat hul waarnemende aanstelling nie die reg op 'n permanente aanstelling in die pos bied sodra dit geadverteer word nie.

7. Bring asseblief die inhoud van hierdie minuut onder die aandag van alle werknemers.


GETEKEN: L ELY
ADJUNK DIREKTEUR-GENERAAL: KORPORATIEWE DIENSTE
DATUM: 2018:07:06

"Nomination for an acting appointment"  (grootte: 92 KB)