| 1. |
Na aanleiding van Strategiese Mensbestuursminuut 0002/2018, gedateer 07 Maart 2018, is die volgende stap in die prestasiebestuur-en-ontwikkelingstelsel (PBOS), soos aangedui in die bepaling en riglyne van die PBOS vir werknemers, senior bestuursdienslede (SBD) uitgesluit, om die uitvoering van prestasiebeoordelings in die middel van die jaar te verduidelik. |
| 2. |
Werknemers se prestasies moet deurlopend deur toesighouers gemonitor word, met mondelinge terugvoering oor 'n werknemer se prestasie indien die prestasie bevredigend is, en skriftelik indien die werknemer se prestasie onbevredigend is. |
| 3. |
Prestasiebeoordelings in die middel van die jaar en jaarlikse prestasie-assesserings is verpligtend en moet skriftelik gedoen word. Die jaarlikse assesserings sal die werknemer se prestasie vir die hele prestasiesiklus (April tot Maart) weerspieel. Jaarlikse assessering moet uitgevoer word selfs al was die werknemer vir minder as 12 maande van daardie siklus in diens geneem. |
| 4. |
Die template vir die invulling van die kwartaallikse beoordelings vir proeftydperkdoeleindes, sesmaandelikse beoordelings (Bylae C1) en finale assesserings (Bylae C2) word aangeheg en is slegs van toepassing op skoolgebaseerde werknemers. Kantoorgebaseerde werknemers moet hulle kwartaallikse beoordelings vir proeftydperkdoeleindes, sesmaandelikse beoordelings en finale assesserings op die prestasiebestuur-inligtingstelsel (PERMIS) vasle. |
| 5. |
Die vyfpuntbeoordelingskaal is deur 'n vierpuntbeoordelingskaal vervang en dit sal gebruik word vir die prestasie-assessering van werknemers vir die 2018/2019-siklus. 'n Beoordeling van "3" op die skaal beteken "ten volle effektief", wat daarop neerkom dat 'n werknemer wat as "ten volle effektief" beoordeel is, volkome aan die vereistes van die werk voldoen het. Die beoordelingskaal sit dit oor in 'n algehele telling van 100%. Slegs heelgetalle moet in die telling gebruik word (geen desimale syfers, bv. 3,5 word toegelaat nie).
Die tabel hieronder verduidelik die vierpuntbeoordelingskaal, kategoriee van prestasie en die gepaardgaande beskrywings:
| Beoor-deling |
Kategorie en telling |
Beskrywing |
| 1 |
Nie effektief nie
(minder of gelyk aan 66%) |
Prestasie voldoen nie aan die verwagte werkstandaard nie. Die beoordeling/assessering dui daarop dat die werknemer minder as die ten volle effektiewe resultate behaal het teen alle of byna al die prestasiekriteria en aanduiders, soos gespesifiseer in die prestasie-ooreenkoms (PO) en werksplan. |
| 2 |
Gedeeltelik effektief
(67%–99%) |
Prestasie voldoen aan sommige van die standaarde wat van die werk verwag word. Die beoordeling/assessering dui daarop dat die werknemer minder as ten volle effektiewe uitslae behaal het (gedeeltelik effektief was) teen meer as die helfte van die prestasiekriteria en aanduiders, soos uiteengesit in die PO en werksplan. |
| 3 |
Ten volle effektief
(100%–119%) |
Prestasie voldoen volkome aan die standaard wat in alle areas van die werk verwag word. Die beoordeling/assessering dui daarop dat die werknemer as 'n minimum, doeltreffende uitslae behaal het teen al die prestasiekriteria en aanduiders, soos uiteengesit in die PO en werksplan. |
| 4 |
Hoogs voldoende
(120%–133%) |
Prestasie is veel groter as die standaard wat van 'n werknemer op hierdie vlak verwag word. Die beoordeling/assessering dui daarop dat die werknemer meer as die voldoende uitslae behaal het teen meer as die helfte/óf op alle gebiede van die prestasiekriteria en aanduiders, soos uiteengesit in die PO en werksplan, en dit op alle verantwoordelikheidsgebiede regdeur die prestasiesiklus gehandhaaf het. |
|
| 6. |
Die prestasie-assesseringsrekentafel sal gebruik word om die algehele prestasiepuntetelling(s) van die jaarlikse prestasie-assessering te bereken. |
| 7. |
Dit is belangrik dat die sperdatums ooreenkomstig die personeelprestasiebestuur-en-ontwikkelingstelsel (PPBOS)-kalender en beplanningskalender vir skole streng nagekom word, veral die sperdatum van die sesmaandelikse beoordelings en finale assesseringspuntetellings. Indien die dokumente nie betyds voorgelê word nie, sal werknemers nie voordeel trek uit ontvangs van die prestasie-aansporings nie.
Die sperdatums van die 2018/2019-siklus is soos volg:
| Aktiwiteit |
Sperdatum |
| Handel sesmaandelikse beoordelings af en lê sertifikate voor |
26 Oktober 2018 |
| Handel finale assesseringspuntetellings af en lê voor |
19 April 2019 |
|
| 8. |
Indien 'n werknemer met toestemming of op voorwaardelike skorsing vir 'n aaneenlopende tydperk van drie maande of langer afwesig is, sal die geaffekteerde werknemer se werk as bevredigend beskou word vir daardie tydperk van afwesigheid binne die toepaslike prestasiesiklus (soos uiteengesit in Regulasie 72(12) van die Staatsdiensregulasies (SDR), 2016, gepubliseer in Staatskoerant No. 40167 van 29 Julie 2016). Tydperke van langdurige afwesigheid met toestemming sluit alle vorme van goedgekeurde verlof in. |
| 9. |
Meganismes vir geskilbeslegting moet enige verskille wat uit prestasie-ooreenkomste, prestasiebeoordelings en -assesserings voorspruit, insluit. Enige meningsverskil moet eers intern binne die inrigting/eenheid/komponent/tak besleg word. Indien 'n dispuut ontstaan soos in regulasie 72(4) van die SDR bepaal, sal die Uitvoerende Gesag of gedelegeerde beampte 'n bemiddelaar aanstel, wat 'n werknemer sal wees, om die geskil binne een maand ná die verstryking van die sperdatum vir ondertekening van die PO te oorweeg. |
| 10. |
Werknemers wat op proefgrondslag aangestel word, is verplig om vier kwartaallikse beoordelings en 'n finale assessering in te vul, wat gebruik sal word om hul proefaanstellings te bevestig.
|
| 11. |
Hoofkantoor en distrikskantoorwerknemers moet hulle kwartaallikse beoordelings op PERMIS afsluit. |
| 12. |
Ondersteuningspersoneel by skole sal voortgaan om tot verdere kennisgewing die beoordelingsproses en die jaarlikse assesseringsproses op papier na te volg. |
| 13. |
Bring asseblief die inhoud van hierdie minuut onder die aandag van alle personeel onder u toesig. |
GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:09:14
|
 |