| VERWYSING: | 20180607-3020
3/3/3/3/1 |
 | | NAVRAE: | L Ndzongo | TEL.: | 021 467 2190 | FAKS: | 021 467 2019 |
STRATEGIESE MENSBESTUURSMINUUT: 0006/2018 |
AAN: | HOOFDIREKTEURE, DIREKTEURE (HOOFKANTOOR EN DISTRIKSKANTORE), ADJUNKDIREKTEURE, KRINGBESTUURDERS EN HOOFDE VAN ALLE OPVOEDKUNDIGE INRIGTINGS |
| BEURSSKEMA VIR DEELTYDSE STUDIE VIR STAATSDIENSWERKNEMERS (2019 AKADEMIESE JAAR) |
| 1. |
Die Wes-Kaap Onderwysdepartement (WKOD) nooi alle staatsdienswerknemers, wat in 2019 deeltyds wil studeer, om vir die deeltydse studiebeurse aansoek te doen. |
| 2. |
In ooreenstemming met die National Qualifications Framework Act, 2008 (Wet 67 van 2008), soos gewysig, en die toelatingsvereistes vir poste in middelbestuur en senior bestuur, sal die WKOD voorkeur gee aan staatsdienswerkers wat hul kwalifikasies tot graadvlak (NKR 7) wil verbeter, of wat onderneem om vir 'n nasionale diploma (NKR 6), wat uitloop op NKR 7 of 'n voorgraadse graad (NKR 7), te studeer. |
| 3. |
Aansoekers sal slegs beurse ontvang indien hulle: |
| 3.1 |
Suid-Afrikaanse burgers is; |
| 3.3 |
aan die toelatingsvereistes van die betrokke hoer onderwysinrigting (HOI) voldoen; |
| 3.4 |
'n bewys van die aansoek kan toon, of 'n afskrif van die kontantkwitansie van die HOI vir die 2019 akademiese jaar het; |
| 3.5 |
daartoe verbind is om gedurende 2019 deeltyds te studeer; |
| 3.6 |
met 'n voorgraadse of nagraadse kwalifikasie besig is; en |
| 3.7 |
nie 'n ander staatsbeurs of enige ander beurs ontvang nie. |
| 4. |
Alle aansoekers sal volgens die volgende kriteria geëvalueer word: |
| 4.1 |
Die geskiktheid van die voorgenome studieveld ten opsigte van die WKOD se huidige en toekomstige strategiese behoeftes |
| 4.2 |
Die betrokke direktoraat se spesifieke of skaars vaardighede |
| 4.3 |
Diensbillikheid (ras, geslag, gestremdhede) |
| 4.4 |
Of aansoekers uit landelike of stedelike gebiede kom |
| 4.5 |
Toepaslikheid ten opsigte van die spesifieke posbeskrywing |
| 4.6 |
Salarisvlakke en die beskikbaarheid van fondse |
| 4.7 |
Eerste kwalifikasie teenoor tweede kwalifikasie |
| 5. |
Die volgende dokumente moet die aansoek vergesel: |
| 5.1 |
Voltooide beursaansoekvorm (by hierdie minuut aangeheg) |
| 5.2 |
'n Beraming van die studiekoste (registrasie en onderrig) van die HOI vir die 2019 akademiese jaar (hierdie inligting kan by die HOI verkry word) |
| 5.3 |
Die toesighouer se aanbeveling en motivering van die aansoek |
| 5.4 |
Bewys van die aansoek of 'n afskrif van die kontantkwitansie van die HOI |
| 6. |
Geen laat, onvolledige, gefakste of onleesbare aansoeke sal oorweeg word nie. |
| 7. |
Aansoeke vir die volgende studierigtings, waarin daar 'n behoefte aan gekwalifiseerde personeel en/of 'n voortdurende behoefte in die WKOD is, sal voorkeur geniet:
| NO. |
TIPE KWALIFIKASIE |
STUDIERIGTING/DISSIPLINE |
| 1. |
Graad/Diploma |
Finansiële Bestuurstelsels, Finansiële Bestuur, Rekeningkunde en Ouditkunde |
| 2. |
Graad/Diploma |
Menslike Hulpbronbestuur/Ontwikkeling |
| 3. |
Graad/Diploma |
Openbare Bestuur |
| 4. |
Graad/Diploma |
Kantoorbestuur en Tegnologie |
| 5. |
Graad |
Projekbestuur |
| 6. |
Graad |
LLB/Arbeidsverhoudinge/Arbeidsreg |
|
| 8. |
Alle aansoeke moet teen Vrydag, 31 Augustus 2018, by die Direktoraat: Strategiese Mensbestuur vir die aandag van mnr. L Ndzongo by Kamer 9, 8ste Vloer, Goue Akker-gebou, Kaapstad, 8001 ingedien word, of na Privaatsak X9114, Kaapstad, 8000 gepos word. |
| 9. |
Die beurskomitee sal alle aansoeke oorweeg en dan aanbevelings vir beurstoekennings maak. Die getal aansoeke wat ontvang word, sowel as die beskikbare fondse, sal die getal beurse bepaal wat toegeken word. |
| 10. |
Daar sal van elke suksesvolle aansoeker verwag word om 'n formele ooreenkoms (beurskontrak) met die WKOD aan te gaan om 'n jaar diens te lewer vir elke jaar wat die beurs toegeken word, en aan alle ander bepalings, soos in die beursooreenkoms uiteengesit, te voldoen. |
| 12. |
Maak asseblief seker dat alle staatsdienswerknemers in u komponent van die inhoud van hierdie minuut bewus gemaak word. |
GETEKEN: HA LEWIS
WAARNEMENDE HOOF: ONDERWYS
DATUM: 2018:07:04
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
