| VERWYSING: | 3/3/3/3/2
20180326-747 |
 | | NAVRAE: | NP Funani | TEL.: | 021 467 2243 | FAKS: | 021 467 2019 |
STRATEGIESE MENSBESTUURMINUUT: 0005/2018 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE, HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KRINGBESTUURDERS, HOOFDE: BESTUUR EN BEHEER, ADJUNK-HOOFONDERWYSKUNDIGES, ASSESSERINGSKOÖRDINEERDERS, VAKADVISEURS EN PRINSIPALE |
| DISTRIKSGEBASEERDE FUNZA LUSHAKA-BEURSE VIR STUDENTE IN DIE WES-KAAP VIR 2019 |
| 1. |
Die Wes-Kaap Onderwysdepartement (WKOD) wil graag hiermee die beskikbaarheid van 66 buitengewone distrikgebaseerde Funza Lushaka-beurse aankondig vir die 2019-akademiese jaar vir graad 12-leerders wat van voorneme is om 'n formele onderwyskwalifikasie te verwerf. |
| 2. |
Die nasionale Departement van Basiese Onderwys (DBO) se Funza Lushakabeursskema, voorsien hoogpresterende leerders van 'n volkoste beurs wat klasgelde, verblyf met maaltye, 'n handboektoelaag, notas en laboratoriumgelde (waar van toepassing) dek, sowel as 'n maandelikse toelae om basiese lewenskostes te dek. |
| 3. |
Die Funza Lushaka-beursskema is 'n veeljarige program wat in 2007 van stapel gestuur is om onderrig as beroepskeuse in openbare skole vir bekwame en toegewyde Suid-Afrikaners te bevorder. Die program word plaaslik by vier hoeronderwysinstellings (HOI's) in die Wes-Kaap bestuur, nl. die Universiteit van Wes-Kaapland, die Universiteit van Kaapstad, die Stellenbosch Universiteit en die Kaapse Skiereiland Universiteit van Tegnologie. |
| 4. |
In 2012, het die DBO 'n distriksgebaseerde werwingsprogram bekendgestel met die fokus op leerders vanuit arm gemeenskappe (leerders by skole wat geen skoolgeld vra nie of van skoolgeld kwytgeskeld is) om hulle te help om toegang tot die Funza Lushaka-beursskema te verkry. Die 66 buitengewone beurse sal slegs toegeken word aan studente wat bereid is om by skole in landelike gebiede onderrig te gee, met inagneming van die behoeftes van landelike onderwysdistrikte. |
| 5. |
Die toekenning van 'n Funza Lushaka-beurs is onderhewig aan die volgende voorwaardes:
- Die program sal studente wat graag in die grondslagfase wil spesialiseer (graad 1 tot 3) of wat beplan om 'n BEd-graad te verwerf (in enige ander fase) met spesialisering in Verbruikerstudies, Tale, Wiskunde, Wetenskap en/of tegniese vakke finansier.
- Die beurs word vir een akademiese jaar op 'n slag toegeken, en met bewys van akademiese sukses, kan dit jaarliks hernu word tot waar die ontvanger van die beurs as 'n opvoeder kwalifiseer.
- Daar sal van die beurshouer verwag word om jaarliks teen die einde van Oktober vir die volgende jaar heraansoek te doen.
- Na afloop van die studiekursus sal die beurshouer versoek word om by 'n skool in 'n landelike gebied vir 'n tydperk van een jaar vir elke jaar wat hulle die beurs ontvang het, onderrig te gee.
- 'n Afskrif van die aansoeker se graad 11-uitslae van 2017 moet saam met die aanvanklike aansoek ingedien word.
|
| 6. |
Met inagneming van die sluitingsdatum van 30 Junie 2018 moet voornemende aansoekers voorts by die hoeronderwysinrigtings (HOI's) om toelating aansoek doen, en aan die toelatingsvereistes van die verskeie HOI's, soos vermeld in paragraaf 3 hierbo, voldoen. Gebaseer op die volgende minimum akademiese kriteria, sal die beurse op meriete deur die keurkomitee by die WKOD-hoofkantoor in Kaapstad by die DBO aanbeveel word:
- 'n "Toelating tot Baccalaureusgraadstudies", slaagsyfer op graad 12-vlak.
- Die aansoeker moet in 'n goedgekeurde BEd-graadkursus aanvaar word om in twee of meer van die prioriteitsareas te spesialiseer.
- Slaag Huistaal met 60% of meer. Eerste Addisionele Taal met 50% of meer en die ander vier vakke met 50%.
- Studente wat in die Grondslagfase wil spesialiseer, moet Wiskunde of Wiskundige Geletterdheid op graad 12-vlak slaag.
- Studente wat graag in die onderrig van tegniese vakke wil spesialiseer, moet 'n slaagsyfer in Wiskunde/Tegniese Wiskunde en Fisiese Wetenskap/Tegniese Wetenskap behaal.
|
| 7. |
Die sluitingsdatum vir aansoeke is 27 Julie 2018. Aansoekers moet aansoek doen deur die aangehegte aansoekvorm te voltooi, en dit na die genoemde amptenare te stuur.
Die volgende amptenare by WKOD-hoofkantoor kan vir enige navrae oor hierdie saak gekontak word:
|
| 8. |
Bring asseblief die inhoud van hierdie minuut onder die aandag van alle graad 12-leerders. |
GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:05:22
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
