| VERWYSING: | 20180214-9332
3/3/3/1/1 |
 | | NAVRAE: | Inbelsentrum | TEL.: | 021 467 2539 | FAKS: | 021 467 2760 |
STRATEGIESE MENSBESTUURMINUUT: 0003/2018 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE, ADJUNKDIREKTEURE, KRINGBESTUURDERS, HOOFDE: BESTUUR EN BEHEER, HOOFDE: DISTRIKSKURRIKULUMONDERSTEUNING, HOOFDE: DISTRIKSLEERDERONDERSTEUNING, PRINSIPALE EN ALLE OPVOEDERS |
| BELANGRIKHEID VAN BEHOORLIKE PRESTASIEBESTUUR |
| 2. |
Hierdie kalender bied 'n gids vir die vereiste prosedures en toepaslike sperdatums. Skole word vriendelik versoek om te hou by die indiendatums wat deur die distrikskantore voorsien word, ten einde sperdatums te haal soos op die kalender aangedui. |
| 3. |
Prestasiebestuur is 'n stelsel wat organisatoriese strategiee en doelwitte aan subeenheidsdoelwitte en dan aan individuele poste verbind. Dit is daarop gemik om rigting te gee aan individuele prestasie en dit te verbeter, om sodoende organisatoriese en inrigtingsdoeltreffendheid te verhoog. Dit is dus 'n stelsel wat oor die ontwikkeling van vaardighede in die belang van die individu/inrigting/departement gaan. |
| 4. |
Deurlopende prestasiebestuur help met:
- die vestiging van 'n kultuur van voortreflike prestasie;
- verbetering van bewustheid en begrip van verwagtinge;
- die verbetering van kommunikasie;
- die aansporing van billike en objektiewe assessering;
- die bied van geleenthede vir ontwikkelingsdoeleindes;
- proaktiewe bestuur van onbevredigende prestasie;
- die leiding en ondersteuning van werknemers; en
- die daarstel van 'n grondslag vir toekomstige besluite.
|
| 5. |
Dit is noodsaaklik dat alle prinsipale en personeel seker maak dat prestasie-evaluering gereeld uitgevoer word. 'n Prestasie-evaluering moet met alle opvoeders, hetsy permanent, op proef of op kontrak, gedoen word en elke prestasiegradering moet op bewyse gebaseer wees. |
| 6. |
Dit is die verantwoordelikheid van alle prinsipale en opvoeders om seker te maak dat hersienings en finale evaluerings plaasvind, soos in die GGBS Kollektiewe Ooreenkoms 8 van 2003 uiteengesit is. Dit is uiters belangrik dat daar by die sperdatums vir die indiening van die vereiste dokumentasie gehou word. |
| 7. |
Nie-indiening van hierdie dokumente kan tot gevolg he dat 'n opvoeder nie 'n salarisaanpassing ontvang nie. Prinsipale moet kennis neem dat hulle vir die indien van die vereiste dokumentasie verantwoordelik gehou gaan word indien daar bevind word dat hulle nalatig was. |
| 8. |
Bring asseblief die inhoud van hierdie minuut onder die aandag van alle opvoeders onder u toesig. |
GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:02:27
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
