1. Dié minuut sluit aan by, en moet saamgelees word met, Omsendbrief: 0040/2017, gedateer 30 September 2017.
2. Die BTW-verhoging van 1% het gelei tot prysveranderings wanneer skryfbehoeftes en skoonmaak-, tuinbou- en elektriese voorrade deur Hoofkantoor, distrikskantore en nieartikel 21 skole bestel word.
3. Let asseblief daarop dat die Wes-Kaap Onderwysdepartement (WKOD) die BTWverhoging van 1% by beide kontrak B/WKOD 2381/16 (voorsiening en aflewering van skryfbehoeftes) en kontrak B/WKOD 2382/16 (voorsiening en aflewering van skoonmaak-, tuinmaak- en elektriese voorrade) gevoeg het. Die verhoging het op 01 April 2018 in werking getree, en beide kontrakte verstryk op 30 September 2020.
4. Nuwe katalogusse met die gewysigde pryse vir alle items wat op die bogenoemde kontrakte beskikbaar is, is hierby aangeheg. Hierdie pryse sluit aflewering by die betrokke kantore en skole in.
5. Gebruikers moet toesien dat hulle die korrekte prys(e) volgens hulle betrokke distrik kies wanneer hulle bestellings plaas.
6. Bring asseblief die inhoud van hierdie minuut onder die aandag van alle betrokkenes.


GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:05:31

"Addendum A: Stationery"  (grootte: 124 KB)
"Addendum A: Cleaning"  (grootte: 42 KB)