| VERWYSING: | 20180411-1102
4/2/3-2017/18 |
 | | NAVRAE: | MJ Comer | TEL.: | 021 467 2000 | FAKS: | 021 483 7658 |
FINANSIËLEREKENINGKUNDEMINUUT: 0002/2018 |
AAN: | DIE HOOFDIREKTEUR: FISIESE HULPBRONNE
DIE DIREKTEUR: FISIESE HULPBRONBEPLANNING
DIE DIREKTEUR: INRIGTINGSHULPBRONONDERSTEUNING
DIE DIREKTEUR: INFRASTRUKTUURLEWERINGSBESTUUR
DIE HOOFDIREKTEUR: MENSBESTUURSPRAKTYKE
DIE DIREKTEUR: DIENSVOORDELE
DIE DIREKTEUR: WERWING EN KEURING
DIE HOOFDIREKTEUR: FINANSIËLE BESTUUR
DIE DIREKTEUR: BESTUURSREKENINGKUNDE
DIE DIREKTEUR: FINANSIËLE REKENINGKUNDE
DIE DIREKTEUR: VERKRYGINGSBESTUUR
DIE HOOFDIREKTEUR: ASSESSERING EN EKSAMENS
DIE DIREKTEUR: EKSAMENADMINISTRASIE
DIE HOOFDIREKTEUR: DISTRIKTE
DIE HOOFDIREKTEUR: KURRIKULUMBESTUUR EN ONDERWYSERONTWIKKELING
DIE DIREKTEUR: KURRIKULUM VOO |
| INSETTE VIR DIE SAAMSTEL VAN FINANSIËLE STATE VIR DIE 2017/18-BOEKJAAR |
| 1. |
Die doel van hierdie minuut is om jou te herinner aan die insette wat van jou vereis word vir die samestelling van die finansiele state deur die Wes-Kaap Onderwysdepartement (WKOD) vir die 2017/18-boekjaar. Hierdie minuut moet saam met Finansiele Rekeningkundeminuut 0001/2018 aangaande die BRSsluitingsprosedures vir die 2017/18-boekjaar gelees word. |
| 2. |
Ingevolge artikel 40(1)(c) van die Wet op Openbare Finansiele Bestuur (WOFB), 1999 (Wet 1 van 1999), soos gewysig deur Wet 29 van 1999, moet die Rekenpligtige Beampte die finansiele state vir elke boekjaar voorberei en hulle binne twee maande na die einde van 'n boekjaar by die Ouditeur-generaal (OG) en Provinsiale Tesourie indien, wat die gekonsolideerde finansiele state sal voorberei. Dit beteken dat die WKOD se voltooide en ondertekende finansiële state teen nie later nie as 31 Mei 2018, ingedien moet word. |
| 3. |
Om die Direktoraat: Finansiele Rekeningkunde in staat te stel om aan die vereistes van die WOFB te voldoen, is dit noodsaaklik dat die persone op die aangehegte lys hulle insette aan hierdie direktoraat voorlê teen nie later nie as 25 April 2018, indien nie onderhewig aan sluiting nie, en teen nie later nie as 04 Mei 2018, indien onderhewig aan sluiting. Let asseblief op die tesourievereistes dat alle insette en ondersteunende dokumentasie in elektroniese sowel as drukstukformaat ingedien moet word. Dit is steeds 'n vereiste dat alle insette deur die tersaaklike direkteur of toesighouer as korrek gesertifiseer en geteken moet word. Waar van toepassing, moet alle insette ook van ondersteunende dokumentasie vergesel word. Daar word voorts aanbeveel dat die bladsy met die handtekeninge van die verantwoordelike persone geskandeer en elektronies saam met die ander dokumente in Excel- of Word-formaat ingedien word. |
| 4. |
Vir maklike verwysing sal elektroniese weergawes van die uittreksels uit die profielvorm vir die samestelling van die finansiele state, soos van toepassing op elke afdeling, per e-pos saam met die betrokke gids vir die voorbereiding van finansiele state aan die persone op die aangehegte lys gestuur word. |
| 5. |
Enige navrae in hierdie verband kan aan mnr MJ Comer by tel. 021 467 2736 of mnr Z Mpisi by tel. no. 021 467 2511 gerig word. |
| 6. |
U samewerking sal opreg waardeer word. |
GETEKEN: LJ ELY
ADJUNK-DIREKTEUR-GENERAAL: KORPORATIEWE DIENSTE
DATUM: 2018:04:16
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
