1. Die Nasionale Onderwystoekennings (NOT) erken uitnemendheid en hoe vlakke van professionalisme, en gee vir die onderwysgemeenskap 'n geleentheid om die prestasies van buitengewone onderwysers te vier. Voorts plaas hulle die kollig op die uitsonderlike werk wat deur onderwysers verrig word.

2. Die Wes-Kaap Onderwysdepartement (WKOD) is dus trots om die 19de jaarlikse provinsiale toekenningseremonie, 'n geleentheid wat die 19de jaarlikse NOT-seremonie voorafgaan, aan te bied en die gasheer daarvan te wees.

3. 'n Elektroniese weergawe van die Nomination and Information Guide, wat die benoemingsvorms en kwalifiserende kriteria bevat, kan deur die volgende skakels afgelaai word. Let asseblief daarop dat geen gedrukte kopiee aan skole verskaf sal word nie. Skole word versoek om die genoemde dokumente deur die volgende skakels af te laai:
4. Alle onderwysers, beheerliggame en distriksamptenare word uitgenooi om benoemings, wat op die kriteria van die Nomination and Information Guide gegrond is, by hul prinsipale of sentrumbestuurders in te dien.

5. Verdienstelike onderwysers kan in die volgende kategorieë benoem word:

  • Uitnemendheid in graad R-onderrig
  • Uitnemendheid in Laerskoolonderrig (grade 1 tot 7)
  • Uitnemendheid in Sekondêre Skoolonderrig (grade 8 tot 12)
  • Uitnemendheid in Laerskoolleierskap
  • Uitnemendheid in Sekondêre Skoolleierskap
  • Uitnemendheid in Spesialebehoeftes-onderrig
  • Uitnemendheid in Tegnologie – Verrykte Onderrig- en Leertoekenning
  • Uitnemendheid in Onderrig van Wiskunde (VOO)
  • Uitnemendheid in Onderrig van Fisiese Wetenskappe (VOO)
  • Lewensprestasietoekenning
6. Prinsipale en sentrumbestuurders word versoek om die voltooide benoemingsvorms na hul onderskeie distrikskantore vir die aandag van die distrikskoördineerders te stuur. Indien u meer inligting verlang, kontak asseblief die toepaslike distrikskoördineerder soos hieronder gelys:

Distrik Distriks-koördineerder/s Kontak-besonderhede E-posadres
Metro-Noord Mnr Trevor Adams 021 938 3016 Trevor.Adams@westerncape.gov.za
Mev Owen Weeder 021 938 3174 Owen.Weeder@westerncape.gov.za
Metro-Sentraal Me Lesley Hutchings 021 514 6945 Lesley.Hutchings@westerncape.gov.za
Metro-Suid Me Sharon Lewin 021 704 9364 Sharon.Lewin@westerncape.gov.za
Mnr Rowan Esau 021 370 2016 Rowan.Esau@westerncape.gov.za
Metro-Oos Me Genevieve Rhode 021 900 7035 Genevieve.Rhode@westerncape.gov.za
Mnr Keith de Wet 021 900 7036 Keith.DeWet@westerncape.gov.za
Weskus Mnr Craig Paulsen 021 860 1208 Craig.Paulsen@westerncape.gov.za
Kaapse Wynland Mnr Alton Koenze 023 348 4673 Alton.Koenze@westerncape.gov.za
Mnr Bertram Jacobs 021 348 0633 Bertram.Jacobs@westerncape.gov.za
Overberg Mnr Edward Kies 028 214 7367 Edward.Kies@westerncape.gov.za
Eden en Sentrale Karoo Me Yolande Damon 044 803 8344 Yolande.Damon@westerncape.gov.za
Mnr David Sampson 044 803 8341 David.Sampson@westerncape.gov.za
Provinsiale Kantoor (KOLI) Mnr Gavin de Bruyn 021 900 5062/37 Gavin.Debruyn@westerncape.gov.za
Me Jacqueline Titus 021 900 5035 Jacqueline.Titus@westerncape.gov.za

7. Benoemdes word versoek om hulself met die kriteria en proses vir beoordeling vertroud te maak.

8. Ten einde wenners op kluster-, provinsiale en nasionale vlak te kies, sal van benoemdes verwag word om 'n aanbieding (PowerPoint of plakkaat) te lewer oor beide die algemene en spesifieke kriteria, deur hul werk te beklemtoon, wat vir hierdie veelbegeerde toekenning oorweeg moet word. Dit sal dien as die finale onderhoud om die kluster-, provinsiale en nasionale wenners te bepaal.

9. Slegs onderwysers, d.w.s. prinsipale, adjunkprinsipale, onderwysers, terapeute en sielkundiges, by openbare skole vir leerders met spesiale onderwysbehoeftes, mag vir die kategorie Uitnemendheid in Spesialebehoeftesonderrig inskryf. Verwys asseblief na paragraaf 7.1 (bladsy 71) van die Nomination and Information Guide vir meer duidelikheid.

10. 'n Maksimum van vyf onderwysers per kategorie kan 'n span vorm.

11. Die sluitingsdatum vir die indien van alle benoemingsvorms by die distrikskoordineerders is 27 Julie 2018.

12. Kluster- en provinsiale naaswenners en wenners sal elk Inligtings-en-kommunikasietegnologie (IKT-) -geskenkbewyse van verskillende waardes ontvang, wat by 'n betroubare IKT-diensverskaffer afgehaal kan word, d.w.s.:

Vlak Waarde van IKT-geskenkbewys
Kluster-wenners R4 000
Kluster-naaswenners (2de en 3de) R2 000
Provinsiale wenners R12 000
Provinsiale naaswenners R7 000

13. Hierbenewens sal skole wat wen elk 'n kontanttoekenning van R5 000 (kluster) en R 7 500 (provinsiaal) per skool per finalis ontvang, wat vir professionele ontwikkeling van die onderrigpersoneel vir die verbetering van klaskamerpraktyk gebruik moet word.

14. Ons kondig voorts aan dat die wenners op kluster- asook provinsiale vlak in die kategorie Uitnemendheid in Onderrig van Fisiese Wetenskap (VOO) geborgde naweekwegbreke by hul oorde regoor die provinsie van CapeNature sal ontvang. Kontak u distrikskoordineerder/s of die Direktoraat: Kaapse Onderrig- en Leierskapinstituut indien u meer inligting verlang.

15. Die NOT word deur die Hoof van Onderwys, vakbonde, beheerliggaamverenigings en die Provinsiale Minister van Onderwys ondersteun.

16. Alle lede van die skoolgemeenskap word aangemoedig om aan die benoeming van verdienstelike onderwysers vir die NOT deel te neem.

17. Bring asseblief die inhoud van hierdie minuut onder die aandag van alle onderrigpersoneel.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:29