1. Ten einde vir 2016 voor te brei, moet skole hul Konsep-SVP teen 02 Oktober 2015 voltooi. Dit sluit 'n voorlopige skoolselfevaluering en Aksieplan vir 2016 in, asook daardie aspekte van hul Skoolprofiel wat nie na akademiese teikens verwys nie. Dit is baie belangrik dat hierdie konsep die inskrywingsplanne vir 2016 insluit.

2. Die voltooiing van die Konsep SVP teen hierdie datum stel:

  • skole in staat om vir 2016 te begin beplan;
  • distrikte in staat om 'n Distriksverbeteringsplan te ontwikkel wat op die behoeftes en versoeke van skole reageer; en
  • die provinsie in staat om vir voorsiening te beplan wat verband hou met die inskrywingsgetalle, (klaskamers en toerusting, onderwysers en leer- en onderrigondersteuningsmateriaal).
3. Die Akademiese Verbeteringsplan en alle verwante akademiese teikens, soos teikens vir die Jaarlikse Nasionale Assesserings en die Wes-Kaap Onderwysdepartement (WKOD) se Sistemiese Evaluerings, sal voltooi word sodra toets- en jaareindpunte beskikbaar is. Eweneens, moet die teikens vir afwesigheid voorsien word sodra die syfers vir 2015 beskikbaar is.

4. Die skool moet teen 02 Oktober 2015 die KONSEPPLAN afteken. Dit is 'n nakomingsaftekening en dui die begin van 'n tydperk vir skakeling met die konsepplanne aan. Die IBB-bestuurder sal ook afteken om die voorlegging van die konsep teen die keerdatum te bevestig. Dit is die tyd vir ontleding van die konsepplanne, inskrywingsprojeksies en versoeke om bystand. In die verloop van die 4de kwartaal sal die IBB-bestuurders hulp en advies voorsien, waar nodig. Die stelsel sal deurgaans oop bly sodat skole hulle planne kan bywerk en verander wanneer nodig.

5. Die tweede aftekening van die planne deur alle skole sal 29 Januarie 2016 wees. Teen hierdie tyd moet die plan, insluitende akademiese teikens, reeds deur die beheerliggaam (BL) goedgekeur wees. Die stelsel sal oop bly om toe te laat vir finale veranderinge in oorleg met die IBB-bestuurders en sal op 17 Februarie 2016 sluit, wat die finale datum vir aftekening is.

6. Opsomming van datums:

Item Verantwoordelik Datum
Aftekening op Konsep-SVP wat

  • Skoolselfevaluering;
  • versoeke vir bystand in 2016;
  • inskrywingsprojeksies; en
  • aksieplan insluit.
 Skool in oorleg met BL 02 Oktober 2015
Aftekening om te bevestig dat die Konsep-SVP teen die keerdatum gesluit is IBB-bestuurder 05 Oktober 2015
Hersiening van inhoud soos benodig. Skole in oorleg met IBB-bestuurder en BL Deurlopend
Aftekening van SVP Skool en BL handel formele aftekening van provinsiale SVP af 29 Januarie 2016
Hersiening van teikens soos nodig. Skole in oorleg met IBB-bestuurder en BL 29 Januarie tot 16 Februarie 2016
Finale aftekening op SVP (slegs vereis indien veranderinge sedert die aftekening op 29 Januarie 2016 aangebring is) Skool, deur BL ondersteun. 16 Februarie 2016
Aftekening op afgehandelde SVP IBB-bestuurder 17 Februarie 2016

7. Tegniese besonderhede is soos volg:

  • Inskrywingssyfers op die SVP sal "lewendig" bly totdat 'n skool sy teikens teen die einde van Januarie 2016 afgeteken het.
  • Aan die begin van 2016 sal die uitslae van die WKOD se sistemiese toetse vir graad 3, 6 en 9, en die Nasionale Senior Sertifikaat-uitslae bygevoeg word sodra dit beskikbaar is.
  • Dit is belangrik dat akademiese teikens op die getal leerders gebaseer word en nie net op persentasies nie. Ten einde hierdie proses te help, is die aanlyn-SVP vir 2016 opgestel sodat wanneer die skole die geteikende SLAAGPERSENTASIE insleutel, die ooreenstemmende GETAL leerders outomaties in die gepaste kolom sal verskyn.
8. 'n EXCEL-weergawe van die plan is aangeheg om met die voorbereiding van jul 2016 SVP te help.

9. Gestruktureerde kwartaallikse monitering (Skoolverbeteringsmonitering) sal in 2016 deur distriksamptenare by skole uitgevoer word.

10. Bring asseblief die inhoud van hierdie minuut onder die aandag van alle betrokkenes.


GETEKEN: PA VINJEVOLD
HOOF: ONDERWYS
DATUM: 2015:07:20

Die jaar in oorsig  (grootte: 45 KB)