| ISALANTHISO: | 28629
13/11/1 |
 | | IMIBUZO: | B Xotyeni | IFONI: | 021 467 2000 | IFEKSI: | 021 467 2996 |
INGCACISO EMFUTSHANE YECANDELO LOCWANGCISO, LOLAWULO NOKUPHATHWA KWAMAZIKO: 0009/2014 |
IYA: | KUBALAWULI BEZITHILI ZEMFUNDO, KUBAPHATHI BEEKOMITI ZEESEKETHE, KWIINTLOKO ZOQUQUZELELO NENGCEBISO NGEZE-IMG, KWIINGCALI ZEMFUNDO EZIZIINTLOKO, KUMASEKELA EENGCALI ZEMFUNDO EZIZIINTLOKO, KUBAPHATHI BEZE-IMG BE-AET, KUBAPHATHI BAMAZIKO EMFUNDO OLUNTU NAKOOSIHLALO BAMABHUNGA OLAWULO AMAZIKO |
| UKUNGATHOTYELWA KWEMIGAQO NGAMAZIKO AZII-ADULT EDUCATION AND TRAINING (AET) CENTRES NGOKUMALUNGA NENGCACISO EMFUTSHANE IMGP 0002/2008 |
| 1. |
Le ngcaciso imfutshane mayifundwe kunye neNgcaciso eMfutshane IMGP 0002/2008. |
| 2. |
ISebe leMfundo leNtshona Koloni (WCED) liyayivuma indima ebalulekileyo edlalwa ngamabhunga olawulo amaziko (CGBs) eMfundo noQeqesho lwaBadala (Adult Education and Training (AET)) kwinkqubo yokuqesha ootitshala abanamabanga emfundo nabaqeqeshwe ngokufanelekileyo. |
| 3. |
Nakuba kunjalo, iSebe iWCED liqaphela oku kulandelayo: |
| 3.1 |
Kwiimeko ezithile, ii-CGBs ze-AET ziyaqhubeka ukuqesha ootitshala abangenawo amabanga emfundo efanelekileyo. |
| 3.2 |
Abanye ootitshala ababhaliswanga kwiBhunga looTitshala laseMzantsi Afrika (South African Council for Educators (SACE)) njengoko kumiselwe kwi-SACE Act, 2000 (Act 31 of 2000) nakwi-AET ACT, 2000 (Act 52 of 2000). |
| 3.3 |
NgokoMthetho we-AET ACT, 2000 (Act 52 of 2000) kuphela ngootitshala ababhalise kwiSACE abanokuqeshwa kwiziko loluntu (public centre). |
| 4. |
Ii-CGBs ke ngoko ziyacetyiswa ukuba ziwulandele ngqo lo mgaqo-nkqubo ukhoyo umalunga nokuqeshwa kootitshala kumaziko oluntu nobhaliso lwabo kwi-SACE. |
| 5. |
Ezi mfuno zimiselweyo zilandelayo zisebenza kubhaliso lootitshala kwi-SACE: |
| 5.1 |
Ubhaliso olupheleleyo (Full registration) |
| 5.1.1 |
Utitshala owenza isicelo sobhaliso kwiBhunga:
- makayanelise imigangatho yendlela yokuziphatha ngokuchubekileyo emiselweyo i-ethical standards echaphazelekayo kumgaqo wokuziphatha i-Code of Professional Ethics for Educators; yaye
- makabe ufumene:
- ubuncinane isiqinisekiso semfundo yobutitshala esivunyiweyo sasemva kweMatriki seminyaka emithathu (3) (M+3 okanye REQV 13);
- isatifikethi seminyaka emibini (2) kwimfundo yobutitshala kwisigaba sepri-prayimari (M+2 okanye REQV 12); okanye
- naluphi na amanye amabanga emfundo avunywayo liBhunga looTitshala laseMzantsi Afrika ukulungiselela iinjongo zobhaliso.
|
| 5.1.2 |
I-SACE inokumbhalisa umntu ongekabinawo amabanga emfundo achaphazelekayo ku-5.1 ukuba oku kulandelayo bekusebenza kubo phambi komhla wokusekwa kweBhunga:
- babengabahlali baseMzantsi Afrika;
- bayayanelisile ingcaciso-gama echaza utitshala njengoko echaziwe kuMthetho wezeNgqesho yooTitshala, 1998 (uMthetho 76 ka-1998) (Employment of Educators Act 1998) (Act No. 76 of 1998);
- babeqeshwe njengotitshala ligunya lezemfundo eMzantsi Afrika, ngamazwana oomaziphathe (self-governing territories) okanye ngamazwe azimeleyo (independent states) phambi kokuphunyezwa koMgaqo-siseko weRiphabliki yoMzantsi Afrika, 1993 (uMthetho 200 ka-1993) (Constitution of the Republic of South Africa Act 1993 (Act No. 200 of 1993)) okanye babezanelisile iimfuno ezingummiselo zokuqeshwa ezilolu hlobo zawo nawaphi na amagunya alolu hlobo, xa bebefuna ukuqeshwa;
- bayigqiba ikhosi yezifundo zobutitshala (course of teacher education) kwiziko elaziwayo ukulungiselela loo njongo, yaye babenokuthathwa njengabafanelekileyo ligunya lezemfundo eMzantsi Afrika; okanye
- babebhaliswe ligunya lezifundo zobutitshala (professional teacher authority) eMzantsi Afrika.
|
| 5.1.3 |
Ngaphezu koko i-SACE inokumbhalisa umntu ongekabinawo amabanga emfundo achaphazelekayo ku-5.1 ukuba, kwakamsinya phambi kokuqalisa koMthetho weBhunga looTitshala laseMzantsi Afrika, 2000 (uMthetho 31 ka-2000) (SACE Act 2000), loo mntu wayeqeshwe ngokusemthethweni kwiziko elalibhaliswe ngokusemthethweni kwaye wayengekho phantsi koMthetho wezeNgqesho yooTitshala, 1998 (uMthetho 76 ka-1998) kodwa ngoku kufuneka abhalise phantsi kwalo Mthetho. |
| 5.2.1 |
IBhunga linokumbhalisa okwethutyana umntu ongafanelekanga phantsi ko-5.1 ukuba:
- iBhunga likuvumile ukuba umntu aqeshwe kwisithuba sobutitshala ngezizathu zokuba abafumaneki ootitshala abanamabanga emfundo noqeqesho olufanelekileyo;
- iBhunga linoluvo lokuba loo mntu uya kuwafumana loo mabanga emfundo afunekayo kungadlulanga xesha lingakanani; okanye
- iBhunga linoluvo lokuba oku kulungiselela ngeyona ndlela ibhetele abafundi abakwelo ziko lemfundo.
|
| 5.2.2 |
Abafundi abenza unyaka wokugqibela kumabanga emfundo achaphazelekayo ku-5.1 banokufaka isicelo sobhaliso lwethutyana kwiBhunga. |
| 5.2.3 |
IBhunga linokumbhalisa okwethutyana umntu othi ngandlela yimbi afaneleke kubhaliso ukuba, ngelo xesha lokufaka isicelo sobhaliso, loo mntu ukwiingxoxo zoluleko zomqeshi okanye ukwiingxoxo zolwaphulo-mthetho ezichaphazela indlela yokuziphatha engafanelekanga ngokwemigangatho yokuziphatha ngokuchubekileyo emiselweyo i-ethical standards echaphazelekayo kumgaqo wokuziphatha i-Code of Professional Ethics for Educators. |
| 5.2.4 |
Ootitshala abasenkonzweni kodwa bengaqeshwanga phantsi koMthetho wezeNgqesho yooTitshala, 1998 (uMthetho 76 ka-1998) kodwa kufuneka babhalise ngokwalo Mthetho, bathathwa njengababhalise okwethutyana kwiBhunga de kube ngumhla omiselwe nguMphathiswa weSebe leMfundo esiSiseko ngokwesiqendu 25 (8) salo Mthetho uchaphazelekayo. |
| 5.2.6 |
IBhunga linokumisela ithuba lokuba semthethweni kobhaliso lwethutyana ngalunye yaye linokumisela nayiphi na imiqathango efanelekileyo kubhaliso lwethutyana. |
| 6. |
Yonke ingcaciso emalunga nobhaliso lootitshala kwi-SACE neefizi zobhaliso neenkqubo zobhaliso zinokufunyanwa kwiziko lewebhu le-SACE apha: http://www.sace.org.za |
| 8. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo.
|
ISAYINWE: NGU-J H LYNERS
USEKELA MLAWULI-JIKELELE WOPHUHLISO NOQUQUZELELO LWAMAZIKO
UMHLA: 2014:05:02
Grand Central Towers, Lower Parliament Street, Private Bag X9114, Cape Town 8000
Nceda ubhale iinombolo zesalathiso kuyo yonke imbalelwano
Employment and salary queries: 0861 92 33 22
Safe Schools: 0800 45 46 47
|
 |
