| 1. |
Hierdie minuut moet saamgelees word met IBBB-minuut 0002/2008. |
| 2. |
Die Wes-Kaap Onderwysdepartement (WKOD) herken die kritiese rol wat der die Onderwys en Opleiding vir Volwassenes (OOV)-sentrumbeheerliggame (SBL'e) gespeel word in die proses vir die gebruik van geskikte gekwalifiseerde onderwysers. |
| 3. |
Die volgende het egter onder die aandag van die WKOD gekom: |
| 3.1 |
In sekere gevalle gaan OOV SBL'e voort om ongekwalifiseerde onderwyers aan te stel. |
| 3.2 |
Sommige onderwyers is nie by die Suid-Afrikaanse Raad van Opvoeders (SARO) geregistreer, soos voorgeskryf deur beide die SARO Wet, 2000 (Wet 31 van 2000) en die OOV Wet, 2000 (Wet 52 van 2000), nie. |
| 3.3 |
Volgens die OOV Wet, 2000 (Wet 52 van 2000) mag slegs onderwysers wat by SARO geregistreer is, in 'n openbare sentrum in diens geneem word. |
| 4. |
SBL'e word dus aangeraai om aan die bestaande beleid, ten opsigte van die indiensneming van onderwysers by die openbare sentrums en hulle registrasie by SARO, te voldoen. |
| 5. |
Die volgende vereistes is van toepassing op die registrasie van onderwysers by SARO: |
| 5.1.1 |
'n Onderwyser wat aansoek doen om by die Raad te registreer moet:
- aan etiese standaarde in die Kode van Professionele Etiek vir Onderwysers voldoen; en
- moet die volgende behaal het:
- 'n minimum na-Matrikulasie onderwyseropleiding-kwalifikasie van drie (3) jaar (M + 3 of ROKW 13);
- 'n twee (2) jaar sertifikaat in onderwyseropleiding vir die pre-primere fase (M+2 of ROKW 12)
- enige ander erkende kwalifikasie vir registrasiedoeleindes deur die Raad.
|
| 5.1.2 |
- 'n Persoon wat nie 'n kwalifikasie soos in 5.1 verkry het nie, mag by SARO geregistreer word indien die volgende op hulle van toepassing was voor die stigtingsdatum van die Raad:
„h hulle 'n Suid-Afrikaanse inwoner was;
- hulle voldoen het aan die definisie van 'n onderwyser soos omskryf in die wet op Indiensneming van Opvoeders (Wet 76 van 1998);
- hulle as 'n onderwyser in diens geneem is by 'n onderwys-owerheid in Suid-Afrika, die selfregerende gebiede of die onafhanklike state voor die implementering van die Grondwet van die Republiek van Suid-Afrika, 1993 (Wet 200 van 1933), of aan die vereistes vir indiensneming by enige van hierdie owerhede sou voldoen het, indien sodanige indiensneming gesoek is;
- hulle 'n kursus in onderwyseropleiding voltooi het by 'n inrigting, wat dit vir daardie doel herken, en in aanmerking sou kom vir indiensneming deur enige ander onderwys-owerheid in Suid-Afrika; of
- hulle deur 'n professionele onderwys-owerheid in Suid-Afrika geregistreer is.
|
| 5.1.3 |
Verder kan SARO 'n persoon registreer wat nie 'n kwalifikasie, soos in 5.1 genoem verkry het nie, indien omiddellik voor die inwerkingtreding van die Wet op SARO, 2000 (Wet 31 van 2000) dat daardie persoon 'n wettige aangestelde onderwyser by 'n wettig geregistreerde inrigting was, onderhewig aan die Wet op Opvoeders, 1998 (Wet 76 van 1998), maar word nou deur die Wet vereis om te registreer. |
| 5.2 |
Voorwaardelike registrasie |
| 5.2.1 |
Die Raad kan voorlopig 'n persoon registreer wat nie onder 5.1 kwalifiseer nie, indien
- die Raad dit goedgekeur het dat die persoon aangestel word, in 'n onderwyspos, op grond daarvan dat geen ander paslik gekwalifiseerde onderwyers beskikbaar is nie;
- die Raad van mening is dat die persoon die vereiste kwalifikasie binne 'n redelike tydperk sal verkry; of
- die Raad van mening is dat dit in die belang van die leerders by 'n opvoedkundige inrigting is.
|
| 5.2.2 |
Studente in hulle finale jaar van 'n kwalifikasie soos bedoel in 5.1 mag aansoek doen vir voorlopige registrasie by die Raad. |
| 5.2.3 |
Die Raad kan 'n persoon voorlopig registreer wat andersins kwalifiseer vir registrasie indien, ten tye van die aansoek om registrasie, daardie persoon onderhewig is aan die werkgewer se dissiplinêre verrigtinge of strafregtelike verrigtinge wat gedrag behels wat nie aan die etiese standaarde in die professionele etiese kode vir opvoeders voldoen nie. |
| 5.2.4 |
Praktiserende onderwysers wat nie aan die Wet op Opvoeders, 1998 (Wet 76 van 1998) onderhewig is nie, maar vereis word om ingevolge die Wet te registeer, word beskou as voorlopig geregister by die Raad, tot die datum wat deur die Minister van Basiese Onderwys bepaal is, ingevolge artikel 25 (8) van die genoemde Wet. |
| 5.2.6 |
Die Raad kan die tydperk van geldigheid vir elke voorlopige registrasie bepaal en kan enige redelike voorwaardes aan 'n voorlopige registrasie oplê. |
| 6. |
Alle inligting wat betrekking het op die registrasie van onderwyers by SARO, tesame met die registrasiefooie en registrasieprosedures, kan vanaf die SARO-webwerf verkry word by: http://www.sace.org.za |
| 7. |
Die SARO-regsitrasievorm, tesame met 'n vorm om vir voorlopige registrasie te registeer, is aangeheg. Hierdie vorms is ook verkrygbaar by die SARO-webwerf en moet na voltooiing aan die volgende adres gepos word:
Suid-Afrikaanse Raad vir Opvoeders
Privaatsak X127
Centurion
0046
|
| 8. |
Bring asseblief die inhoud van hierdie minuut onder die aandag van alle belanghebbendes. |
GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2014:05:02
|
 |