| 1. |
Die kwessie van swak dissipline in skole het 'n direkte invloed op die werkverrigting en prestasie van leerders. 'n Gedeelde begrip is nodig oor wat dissipline beteken en watter alternatiewe in plek gestel kan word om dissipline by ons skole te bevorder. Die Direktoraat: Inrigtingsbestuur-en-beheerbeplanning (IBBB) sal twee konferensies gedurende Augustus 2014 hou ten einde skooldissipline aan te spreek. |
| 2. |
Alle skoolhoofde, voorsitters van skoolbeheerliggaame (SBL) sowel as óf die verteenwoordigende leerderraad (VLR) se voorsitter óf sekretaris, word uitgenooi om een van die twee Konferensies by die plek, soos hieronder aangedui, by te woon. |
| 3. |
Die Konferensie het ten doel om 'n verbeterde en versterkende benadering teenoor uitdagende gedrag te bevorder deur SBL’e bloot te stel aan meganismes, intervensies en ontwikkelingsprogramme vir die hantering van hierdie tipe gedrag by hulle skole. Die konferensie sal: |
| 3.1 |
SBL’e en VLR’e toelaat om beste parktyke en voorstelle te deel om skole te ondersteun om 'n balans tussen etiek en wetgewing te vind; en |
| 3.2 |
hulle te help om alternatiewe te identifiseer wat in plek gesit kan word en wie verantwoordelikheid moet neem vir die vestiging van 'n dissipline-gedrewe omgewing. |
| 4. |
Die plekke en datums vir skole in hulle onderskeie distrikte is:
| |
Distrikte |
Plek |
Datums en tye |
| 1 |
Eden en Sentraal Karoo, Kaapse Wynland en Overberg |
Gerrit du Plessis Sek School Saal, Panorama-Meent, te Riverdale |
23 Augustus 2014
Tyd: 08: 00 - 16:00 |
| 2 |
Metro-Sentraal, Oos, Noord, Suid en Weskus |
Hoofsaal van die College of Cape Town, Kromboomstraat te Crawford |
30 Augustus 2014
Tyd: 08:00 - 16:00 |
|
| 5.1 |
Skoolhoofde, SBL- en VLR-voorsitters word versoek om saam te reis wanneer die Konferensie bygewoon word. Skoolhoofde sal vergoed word vir reiskoste waar die afstand wat gereis word 100 km in een rigting oorskry. Om vir reiskoste te eis, moet die aangehegte "Reis en Verblyf" en Z43-vorms by die Konferensie ingehandig word. Eise wat onvolledig of foutief is, sal nie betaal word nie. |
| 5.2 |
In die geval waar die skoolhoof nie die Konferensie kan bywoon nie, maar die SBL- of VLR-voorsitters dit wel kan bywoon, word die skool versoek om die reiskoste te dek en die Direktoraat: IBBB, onmiddellik na die Konferensie, van die bewys van betaling te voorsien vir vergoeding aan die skool. |
| 5.3 |
Waar die SBL- en VLR-voorsitters alleen na die Konferensie reis, en die afstand 100 km in een rigting oorskry, sal die Direktoraat: IBBB die skool vergoed by ontvangs van die volgende stawende dokumente:
- 'n Oorspronklike brief (nie 'n afskrif nie) met die briefhoof van die skool en onderteken deur die skoolhoof sowel as die tesourier, wat die Wes-Kaap Onderwysdepartement inlig aangaande die totale reiskoste deur die skool aangegaan; en
- die oorspronklik gewisselde tjek wat aan die SBL-voorsitter uitgemaak is (en deur die bank gestempel is);
OF
- die oorspronklike kontantstrokie vir 'n kontantbetaling aan die voorsitter en onderteken deur die persone wat daartoe gemagtig, plus die oorspronklike kwitansie(s) wat aan die skool uitgemaak is vir die kontak wat ontvang is en onderteken is deur die voorsitter.
LW: Skole moet afskrifte van alle dokumente bewaar vir verwysings- en oudit- doeleindes.
|
| 5.4 |
Verblyf sal slegs verskaf word aan skoolhoofde, SBL- en VLR-voorsitters wat meer as 200 km in een rigting moet reis. Skoolhoofde en voorsitters wat verblyf sal verlang, moet Deel B van die aangehegte vorm voltooi. Hierdie inligting word vroegtydig versoek om beskikbaarheid te verseker. Versoeke om verblyf moet op of voor 14 Augustus 2014 ontvang word. Dit kan gefaks word na me Zoliswa Lonja by 086 547 8758. 'n E-pos om verblyf te bevestig, sal aan elke afgevaardigde gestuur word wat verblyf versoek het.
5.5
|
| 5.5 |
Persone/skole wat van voorneme is om die Dissipline-konferensie by te woon, moet Deel A van die aangehegte vorm voltooi en dit faks na me Zoliswa Lonja by 086 547 8758, op of voor 14 Augustus 2014. Die inligting word vooraf benodig om die logistieke vir die byeenkoms te bepaal en te bestuur en om 'n suksesvolle Konferensie te beplan.
|
| 5.6 |
Vir enige verdere inligting en navrae, kan u me Zoliswa Lonja kontak by tel. no. 021 467 2070 |
| 6. |
Skoolhoofde word versoek om te verseker dat die inligting in hierdie minuut verskaf word aan en bespreek word met hulle SBL- en VLR-voorsitters, binne 4 werksdae vanaf ontvangs, om skole in staat te stel om binne die gegewe tyd te reageer. |
| 7. |
U spoedige reaksie sal baie waardeer word. |
GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2014:08:06
|
 |