1. Die navrae wat van die Ouditeur-generaal ontvang is oor die leerders wat tans op die Sentrale Onderwysbestuursinligtingstelsel (SOBIS) aangedui is as "LSEN in the Mainstream", het daartoe gelei dat die Direktoraat: Inklusiewe Onderwys, die proses oor hoe 'n leerder op die SOBIS, in hierdie verband, vasgelê word, hersien.

2. 'n Verifikasieproses van die leerders wat tans as leerders met spesiale onderwysbehoeftes (LSOB) in die hoofstroom op die SOBIS aangedui word, sal deur die Gespesialiseerde Leerder- en Opvoederondersteuning- (GLOO)-personeel van die distrik, onderneem word. Alle leerders wat nie dokumente het wat hierdie klassifikasie ondersteun nie, sal van die stelsel afgehaal word. SOBIS sal 'n lys van leerdername voorsien wat geverifieer moet word.

3. Die verifikasieproses sal deur 'n nuwe proses gevolg word om leerders as "LSEN in the Mainstream" aan te dui, wat deur die distrik se GLOO-personeel bestuur sal word en deur die Distrikshoof van GLOO afgeteken sal word.

4. In die toekoms moet alle skole GLOO-personeel versoek om leerders as "LSEN in the Mainstream" aan te dui. Prinsipale moet verseker dat alle leerders wat as "LSEN in the Mainstream" gemerk moet word, deur GLOO-personeel geassesseer word. Alle ondersteunende dokumente/verslae moet in die Leerderprofiel gehou word, met 'n afskrif by die Distrik se GLOO-afdeling.

5. Wanneer 'n leerder 'n skool verlaat, moet die skool wat die leerder ontvang, die Leerderprofiel vanaf die vorige skool versoek. Die Leerderprofiel mag nie aan die ouer of enige ander party oorhandig word om by die skool ingelewer te word nie. Die integriteit asook die vertroulikheid van die Leerderprofiel moet te alle tye beskerm word.

6. Leerderprofiele, insluitende alle dokumente in die lêer van leerders wat 'n skool verlaat, moet vir ten minste 10 jaar behou word voordat dit vernietig word - insluitende die van leerders wat die skool permanent verlaat.

7. GLOO-personeel by die distrik, naamlik die Hoof van die GLOO, Senior Sielkundige, Leerderondersteunings-koördineerder, Spesiale skole-koördineerder en die Distriksterapeut, sal op EduInfoSearch geregistreer word vir die volgende:
7.1 om die huidige lys van leerders wat as "LSEN in the Mainstream" gemerk is te verifieer en die nodige veranderinge aan te bring;
7.2 om in die toekoms leerders as "LSEN in the Mainstream" vas te lê, insluitende die toepaslike gestremdheid, na 'n multidissiplinêre bespreking; en
7.3 die Hoof van GLOO, om die lys wat deur die span aangebied is, af te teken. Die data op SOBIS sal slegs die verandering weerspeël na dit afgeteken is.

In die derde skoolkwartaal sal GLOO-personeel deur EduInfoSearch/SOBIS-beamptes opgelei word oor die prosedure wat gevolg moet word.

8. As die institusionele OBIS-beampte, moet die prinsipaal die dataprosesse bestuur om te verseker dat bewys van verifikasie en die handtekeninge van personeel wat gedelegeer is om die data te kontroleer, teenwoordig is.

9. Rig asseblief alle navrae in verband met hierdie minuut aan Du Toit Stegmann en T Pokolo by tel. nos. 021 467 2121 en 021 467 2289, onderskeidelik.


GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2014:06:17