1. Die OOV-subdirektoraat inisieer vennootskappe met onderskeie regeringsdepartemente en besighede om die bekendstelling van OOV-dienste te fasiliteer Deur hierdie vennootskappe kan OOV-onderrig aangebied word aan werknemers by gemeenskapsleersentrums teen 'n spesifieke koste. Betalings word dan aan die betrokke gemeenskapsleersentrum gemaak op 'n kwartaallikse basis, op grond van die verslae wat deur die gemeenskapsleersentrum voorgelê is.
2. Die eerste kwartaal vir OOV-sentrums nader sy einde en dit beteken dat verslae eersdaags ingewag sal word. Die keerdatum vir hierdie verslae is 20 Maart 2008.
3. Die profielvorm vir hierdie verslae is aangeheg. Dit is ook op versoek beskikbaar vanaf pneethli@pgwc.gov.za.
4. Let asseblief daarop dat as die verslae nie teen die keerdatums ontvang is nie, die onderskeie vennote nie betalings sal maak nie.
5. Alle sentrums wat by privaat vennootskappe betrokke is, moet ook verslae voltooi. Sentrumbestuurders moet duidelik aandui of die vennootskap privaat of openbaar is.
6. Die voltooide verslae moet gefaks word na 021 467 2268, vir aandag P. Neethling of gepos word aan Die Hoof: Onderwys, Wes-Kaap Onderwysdepartement, Vir aandag: OOV Vennootskapkoördineerder, Kamer 8-65, Privaatsak X9114, Kaapstad, 8000.
7. Hierdie verslae sal ook gebruik word deur die OOV-subdirektoraat om die vordering van elke leerder in die OOV-sektor na te gaan.


GETEKEN: J.H. HURTER
HOOF: ONDERWYS
DATUM: 2008:02:05

Vennootskapverslag profielvorm  (grootte: 40 KB)