1. Amabhaso kaZwelonke okuWonga ooTitshala athathela ingqalelo ukutshatshela kwezemfundo nemigangatho exhomileyo yokufundisa kwaye anika abo bakwinkonzo yezemfundo ithuba lokuvuyela impumelelo yootitshala abamsebenzi utshatshele ngokukodwa. Ngaphezulu, akwabonisa umsebenzi oqaqambe ngokukodwa owenziwa ngootitshala ngokubanzi. Ngako oko ke, iSebe leMfundo leNtshona Koloni linebhongo lokuba liza kubamba yaye liququzelele itheko lephondo lokunikezelwa kwamabhaso ukulungiselela aMabhaso kaZwelonke okuWonga ooTitshala.
2. Amahlelo ahlukeneyo ala mabhaso ami ngolu hlobo: 
UKUTSHATSHELA KUPHUHLISO LWEMFUNDO YABANTWANA ABANCINCI
UKUTSHATSHELA EKUFUNDISENI KWIZIKOLO ZASEPRAYIMARI
UKUTSHATSHELA EKUFUNDISENI KWIZIKOLO ZASESEKONDARI
UKUTSHATSHELA KUBUNKOKELI KWINQANABA LASEPRAYIMARI
UKUTSHATSHELA KUBUNKOKELI KWINQANABA LASESEKONDARI
UKUTSHATSHELA EKUFUNDISENI KWIMFUNDO EBANDAKANYA WONKE 
UMFUNDI NAKWIMFUNDO ENEEMFUNO EZIZODWA
UKUTSHATSHELA EKUFUNDISENI ABEMFUNDO NOQEQESHO LWABADALA 
IBHASO LOKUPHUMELELA KWIMFUNDO YEXESHA LONKE LOKUPHILA
3. Kuya kubakho kwakhona amabhaso ayimali ezikolo ekufundisa kuzo abo titshala abawine ngokumela amaqela asebenzisanayo (cluster winners), abawine kwiphondo nabawine kuzwelonke.
4. Izikhokelo zokunika ingcaciso neefom zokutyumba (eziqhotyoshelweyo) sele zithunyelwa kuwo onke amaziko eSebe iWCED, kwakunye nakumaziko e-ABET nawe-ECD. Bonke ootitshala bayacelwa ukuba bathathe inxaxheba kule nkqubo ngokuthi bangenise amagama atyunjiweyo (iikhrayitheriya nefomathi zikwizikhokelo zokunika ingcaciso) kwiinqununu zabo okanye kubaphathi bamaziko babo, abaya kuthi ke bona bazithumele ezo fom zokutyumba amagama ezizaliswe zonke iinkcukacha kumaziko olawulo nophuhliso lwemfundo (ii-EMDC) abo, ukuba ziqwalaselwe ngaBaququzeleli bee-EMDC. Ukuba ufuna ingcaciso engaphezulu, kucelwa uqhagamshelane nomnye waba baququzeleli bee-EMDC:

EMDCCo-ordinatorContact nr
South Cape/KarooDr Fernholdt Galant028 713 2928
Breede River/OverbergJohan van Tonder028 414 1321
West Coast/WinelandsJA Mouton and Dr Michael le Cordeur022 482 1383
Metropole SouthDryfus Jonas021 370 2000
Metropole EastPhilip Saunders and Nelson Mama021 903 1729
Metropole NorthTrevor Adams and Spencer Tonkin021 938 3000
Metropole CentralAlton Koense021 659 4375
5. Kucelwa ukuba uqwalasele ezi zicatshulwa zilandelayo kwisikhokelo sokutyumba:

"The principal/centre manager must organise a nomination meeting that would include the School Governing Body (SGB)/Centre Governing Body (CGB) to discuss the nomination process."

"The staff and the SGB/CGB members of the school/centre must study the criteria requirements of each category and draw up attributes or qualities that would match their nominees with a particular given criteria."

"Once suitable teachers/teams have been nominated, their names must be filled in on the Nomination Forms provided."
6. Iqela elikhethiweyo malingabi nootitshala abangaphezu kwesihlanu.
7. Kunyanzelekile ukuba iinqununu nabaphathi bamaziko babambe intlanganiso yokutyumba kwiveki yokuqala yekota yesithathu, yaye kungabi semva kowe-24 Julayi 2007. Makugcinwe imizuzu yale ntlanganiso.
8. Iinqununu nabaphathi bamaziko mabazalise isiHlomelo A esiqhotyoshelweyo baze basingenise kumphathi wesekethe, ukuze siqwalaselwe ngumququzeleli we-EMDC ochaphazelekayo.
9. Ibhaso lemali elifunyenwe zizikolo okanye ngamaziko malisetyenziselwe ukuphuhlisa ootitshala ngenjongo yokuphucula umgangatho wokufundisa.
10. Iifom zokutyumba nenye ingcaciso zingafumaneka kwakhona ngokuthi zikotshwe ngekhompyutha kwiziko lewebhu leCandelo loPhuhliso lwaBasebenzi kule dilesi http://curriculum.pgwc.gov.za/site/116/page/view/584
11. Umhla wokuvalwa kokwamkelwa kwawo onke amagama atyunjiweyo ngowe-31 Julayi 2007.
12. Kucelwa wazise bonke ootitshala besikolo sakho okubhalwe kule ngcaciso emfutshane ukuze bakuthathele ingqalelo.


ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2007:06:20

Isihlomelo A  (ubukhulu: 17 KB)

Nomination Form 1  (ubukhulu: 93 KB)
Self Portrait Form 2  (ubukhulu: 128 KB)
Motivation Form 3  (ubukhulu: 151 KB)