| 1. |
ISebe leMfundo leNtshona Koloni (WCED) liyazi ngokubaluleka kokunika abasebenzi balo iingcebiso eziyimfuneko nokubanika inkxaso yokuba balandele indlela yokuphila ebagcina bekwentle yona impilo. Ngenxa yoku iSebe iWCED liqalise iProgram yeMpilo Qete yaBasebenzi (Employee Health and Wellness Programme) yokunika abaqeshwa uncedo xa kufuneka bejongene nemingeni yobomi neentlekele zobomi. Le program igxininisa imfuneko yokuqulela ingxaki ingekehli (proactive) ukwenzela ukuba uhlale ugcine impilo yakho intle kwaye ulandele indlela yokuba uhlale ukwentle impilo.
|
| 2. |
ISebe iWCED lenze amalungiselelo eprogram yoSuku lweMpilo Qete yaBasebenzi besithili se-South Cape & Karoo ngomhla we-4 Oktobha 2007. Ezi nkonzo ziya kubonelelwa kweli ziko Die Bult Jeugsentrum, Langenhoven Road, George ukususela ngo-12:00 kuye ku-16:00 ngolu suku. Ungaqhagamshelana ne-Die Bult Jeugsentrum ngale nombolo yefoni 044 801 7600 ukufumana indlela eya khona.
|
| 3. |
Kuya kubonelelwa ngezi nkonzo zamahala zilandelayo:
- Iingcebiso ngokondla umzimba
- Ukwaziswa ngesifo iThibhi (TB awareness)
- Ukwaziswa nge-HIV/AIDS
- Ukwaziswa ngosetyenziso gwenxa lweziyobisi (substance abuse awareness)
- Ukutshekishwa ikholesterol (Cholesterol check)
- Ukutshekishwa uxinzelelo lwegazi (Hypertension)
- Ukuxilongwa incindi yesibeleko (Pap smear)
- Ukuxilongelwa umhlaza webele (Breast cancer examination)
- Ukwaziswa ngeenkonzo zofumana iingcebiso (awareness of counselling services)
- Itheraphi yokumasajwa ngokupheleleyo (holistic massage therapy)
- Ukunyamekelwa kweenzipho nezandla (nail and hand care)
- Iibhegi ezizele zizipho ezithandekayo (goodie bags)
|
| 4. |
Kucelwa wazise bonke ootitshala nabasebenzi abaqeshwe liSebe iWCED kwisithili se-South Cape & Karoo okubhalwe kule ngcaciso imfutshane ukuze bakuthathele ingqalelo.
|
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2007:09:11
|