1. Ekupheleni kuka-2006, zonke izikolo eziseNtshona Koloni zafumana iibrowusha ezazichaza iinjongo ezibalulekileyo zesiCwangciso soPhuhliso lwezaKhono zoLuntu (Human Capital Development Strategy) (HCDS) ukwenzela ukuba kunikwe ootitshala nabasebenzi abangengabo ootitshala.
2. I-HCDS sisicwangciso esibaluleke kakhulu se-WCED yaye siluxwebhu oluyinqobo (blueprint) ukuqinisekisa ukuba bonke abantu abaseNtshona Koloni bayakwazi ukufikelela kwimfundo esemgangathweni.
3. Ngoko ke luxanduva lwabo bonke abaqeshwa beSebe leMfundo leNtshona Koloni (WCED) ukuba bakwazi okubhalwe kuso ukwenzela ukuba eyona nto ebalulekileyo kuso yokutshintsha imeko yokufunda nokufundisa eNtshona Koloni, ngokungqinelanayo nekhonsepthi ephambili ye-iKapa eliHlumayo (Ukuhluma nokwabelana ngeKapa), kuyafikelelwa kuyo.
4. Ngako oko ke ziyacelwa iinqununu ukuba ziqinisekise ukuba bonke ootitshala, abasebenzi abangengabo ootitshala, abazali, abafundi kunye nemibutho yasekuhlaleni esebenzisana nesikolo iyakwazi okuqulathwe kwi-HCDS.
5. Fumana kuqhotyoshelwe apha ikopi ye-HCDS. Usengayifumana ikopi ye-HCDS efumaneka kwikhompyutha kwiziko lewebhu le-WCED http://wced.wcape.gov.za (Klikha ku-Search A-Z, khangela usihla uye kwi-Human Capital Development Strategy).


ISAYINWE: NGU-J.H. HURTER
INTLOKO: YESEBE LEMFUNDO
UMHLA: 2007:07:05


La maxwebhu kubhekiselelwe kuwo njengaqhotyoshelwe kule setyhula, akaqhotyoshelwanga kodwa ayafumaneka njengeekopi ezingelokhutshelo (hard copies).