| 1. |
NgokweKhalenda ye-IQMS yooTitshala ka-2007 (IQMS Calendar for Educators for 2007), uvavanyo oluquphayo (summative evaluation) olwaluqale ngo-Agasti 2007, lufanele ukugqitywa nge-31 Oktobha 2007.
|
| 2. |
Inqununu yeziko ngalinye eliphantsi kolawulo lweSebe leMfundo leNtshona Koloni inoxanduva lokuqinisekisa ukuba amanqaku ovavanyo oluquphayo (summative scores) abo bonke ootitshala abahlawulwa liSebe leMfundo leNtshona Koloni abakwelo ziko angeniswa kumququzeleli we-IQMS kwi-EMDC echaphazelekayo ungadlulanga owe-14 Novemba 2007, njengoko kubonisiwe kwiKhalenda ye-IQMS yooTitshala ka-2007. Oku kukwanjalo nakwii-CEO zeekholeji ze-FET.
|
| 3. |
Inqununu inoxanduva lokumodareyitha amanqaku ovavanyo oluquphayo ootitshala abakwisikolo eso.
|
| 4. |
Ukumodareyitha kwangaphakathi kwimeko ye-IQMS yinkqubo yokungqinisisa ubunyaniso bamanqaku anikiweyo ngokungqinelana nemigangatho yentsebenzo, iinkqubo nemigaqo njengoko zimiselwe kwezi Mvumelwano 8 ka-2003 kunye no-4 no-5 zika-2005 ngokulandelelanayo neMibutho yaBasebenzi yeBhunga lezeMfundo lezoBudlelwane eMisebenzini (ELRC Collective Agreements 8 of 2003 and 4 and 5 of 2005 respectively).
|
| 5. |
Injongo yezi nkqubo mayibe kukuqinisekisa ukuba iinkqubo nemigaqo ebhalwe kwiiMvumelwano ze-Mibutho yaBasebenzi yeBhunga kuMfundo ziyathotyelwa ngokupheleleyo.
|
| 6. |
Inkqubo yokumodareyitha mayingaphinda-phindi iinkqubo zovavanyo, koko kumele ingqinisise ukuba iinkqubo ezo ziyayanelisa imigaqo yokujonga izinto ngeliso nangengqondo ephangaleleyo (objectivity), yokuthembakala kwenkqubo (reliability), yokunyaniseka kwenkqubo (validity) neyokwenzela izinto ekuhleni (transparency).
|
| 7. |
Ezi zinto zilandelayo kufuneka zenziwe xa kuqhutywa inkqubo yokumodareyitha:
- Phicotha onke amaxwebhu katitshala ngamnye
- Tshekisha amanqaku anikwe umgangatho ngamnye wentsebenzo ngokuthelekisa nentsebenzo leyo
- Tshekisha ukuba kukho na ukungqinelana phakathi kwamanqaku alowo nalowo titshala kunye neenkalo zophuhliso
- Qinisekisa ukuba ii-PGP zalowo nalowo titshala zinazo iinkalo eziqatshelelwe kuba ziphuhliswe
- Tshekisha ukuba ngaba ubungqina obubhaliweyo bunikiwe na ukuxhasa amanqaku, apho kuyimfuneko
- Tshekisha amanqaku katitshala ukuba abufanele na obo bungqina bukhoyo
- Phicotha iingxelo ezingophuhliso lwezakhono/uqeqesho oluye lwaqhubeka
- Qwalasela inqanaba lokupasa kwabafundi kwaye i-DSG mayibonise ngokwenene iimeko ezinxaxhileyo/ukungangqinelani kwezinto/nokuthungelana okubuthathaka kwezinto
|
| 8. |
Ezi zinto zilandelayo ziluxanduva lwenqununu:
- Beka ixesha elisikelwe inkqubo yokumodareyitha
- Bamba intlanganiso namalungu e-SMT nawe-SDT nixoxe ngeenkqubo zokumodareyitha
- Qinisekisa ukuba amanqaku abo bonke ootitshala amodareyithiwe kwaye angqinelana nentsebenzo
- Tshekisha ukuba ngaba kuye kwakho usetyenziso olufanayo lweekhrayitheriya ukufikelela kumanqaku lawo
- Xoxa ngesiphumo senkqubo yokumodareyitha ne-SMT kunye ne-SDT
|
| 9. |
Umphathi wesekethe uya kufumana amanqaku kumququzeleli we-IQMS aze amodareyithe amanqaku ezikolo kwisekethe iphela.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2007:10:01
|