| 1. |
ISebe iWCED njengangoku liqulunqa izifundo zekhosi yeSatifikethi kuLawulo lweMicimbi yeSikolo (Certificate in School Business Management (CSBM)) kwiNqanaba 4 le-NQF ukulungiselela abaqeshwa abangoomabhalane ezikolweni. Kujongwe ukuba le khosi elilinge ye-CSBM iqale ngoFebruwari okanye ngoMatshi 2008 ngokubhaliswa kwabafundi abali-150. Le khosi iya kufundiswa ziikholeji ze-FET ezikummandla wedolophu (metropole area). Le khosi iya kuxhaswa ngemali liSebe iWCED. |
| 2. |
Le khosi ixhasa isiCwangciso soPhuhliso lweZakhono zoLuntu (Human Capital Development Strategy) saseNtshona Koloni. Ijolise ekuphuhliseni izakhono zabaqeshwa abangooma-bhalane (administrative staff) ukwenzela ukubonelela ithuba lokuqhubela phambili ezikhundleni esikolweni, kwaNdlunkulu, kwii-Ofisi zeZithili, kwamanye amasebe nakwicandelo loshishino lwabucala. Injongo yesiqinisekiso se-CSBM kukuphucula izakhono zabafundi, ulwazi nobungcali obuyimfuneko ekulawuleni nasekuphatheni ngendlela eyiyo nangempumelelo iinkqubo nezibonelelo zesikolo, ize ngokwenjenjalo ifake igalelo kwindawo yokufunda ekhuselekileyo lo gama isothula emagxeni umthwalo wemisebenzi yezolawulo ophezu kweenqununu nabasebenzi abakwizikhundla eziphezulu. Kukwakho imfuneko yokuphucula izakhono zabaqeshwa abangoomabhalane ukuthintela ulawulo gwenxa lweemali nezibonelelo olungenzeka ngenxa yokunqongophala kwezakhono ezibalulekileyo. |
| 3. |
Kufuneka abaza kungenela le khosi babe nesatifikethi seBakala 12 (seMatriki) kwaye iya kufundiswa kuphela ngesiNgesi (kuzo zombini iiseshoni neencwadi ezisetyenziswayo nezinto zokuncedisa ukufunda ziya kuba zibhalwe ngesiNgesi). Abaqeshwa abasenkonzweni baya kuvavanywa ngokweziqinisekiso zabo abanazo kunye namava abo. Le khosi iya kuphucula izakhono kunye/okanye ixhobise ngokutsha abo bafundi kujoliswe kubo. Le yikhosi ethatha unyaka, ijolise ekuxhobiseni ngokubanzi ngezakhono zobunkokeli, zokuphatha (management) nezolawulo (administration), lo gama kwangaxeshanye iphuhlisa ubuchule bokwazi ukusebenza kwezi nkalo zilandelayo: |
| 3.1 | Financial Management |
| 3.2 | Human Resource Management |
| 3.3 | Risk Management |
| 3.4 | Facilities Management |
| 3.5 | Office Systems Administration and Management |
| 3.6 | Information Communication Technologies (ICT) Management |
| 4. |
Uhlobo lokwenziwa koqeqesho luya kubandakanya ±2 iiveki zokufundiswa kwabo benza ikhosi kwigumbi lokufundisa ekholejini kunye ne-±3 yeeveki zokuzifundela ngokwesantya sakho kwimodyuli nganye. Le khosi elilinge iya kufundiswa kwezi kholeji ze-FET zintathu zilandelayo: |
| 4.1 | College of Cape Town, Crawford Campus |
| 4.2 | False Bay College, Good Hope Campus, Khayelitsha |
| 4.3 | Northlink College, Parow Campus |
| 5. |
Kucelwa ukuba kwenziwe izicelo zokuthatha inxaxheba kule khosi ngabafundi abapase iBakala 12 (iMatriki), abanezakhono ezifanelekileyo kulawulo lwe-ofisi nezemali, benolwazi lwekhompyutha nabasaziyo isiNgesi. Kuya kulindeleka ukuba abafundi baye ezikholejini zonke iintsuku ngethuba lokuqhubeka kweeseshoni zokufundiswa (kwabo benza le khosi kumagumbi okufundisa). ISebe iWCED aliyi kubonelela ngendawo yokulala kubafundi abaya kule khosi ililinge. Ngenxa yesi sizathu, abafundi bale khosi baya kukhethwa kwizithili zasezidolophini nakwezo zithili zisemaphandleni apho baya kubanako ukuya kwiindawo ekuya kufundelwa kuzo zonke iintsuku ngethuba lokuqhubeka kweeseshoni zokufunda. |
| 6. |
Ziindawo ezili-150 kuphela ezikhoyo ezilungiselelwe le khosi ililinge. Kucelwa abaqeshwa abangoomabhalane abangqinelanayo nale profayili ichazwe kumhlathi 5 benze isicelo ngokukhawuleza ngokufeksela ifom yesicelo kwicandelo le-School-based Management le-Ofisi yeSithili sabo. Izicelo ziyavala ngo-12:00 nge-4 Disemba 2007. I-Ofisi yeSithili iya kusingatha inkqubo yokukhetha abenzi-sicelo. Umenzi-sicelo ongafumananga mpendulo nge-18 Janyuwari 2008 makakuthathe oko ngokuba isicelo sakhe asiphumelelanga. Nceda uqaphele ukuba izicelo ezingazaliswanga ngokupheleleyo aziyi kuqwalaselwa kwaye kungekho mbalelwano iya kwenziwa ngokunxulumene nengcaciso engafakwanga kwisicelo. |
| 7. |
Ukufumana ingcaciso engaphezulu qhagamshelana necandelo le-School-based Management kwi-Ofisi yeSithili sakho. Kucelwa ukuba iinqununu zazise okubhalwe kule ngcaciso imfutshane onke amaqela achaphazelekayo. |
ISAYINWE: NGU-S SHAYI
INTLOKO: YESEBE LEMFUNDO
UMHLA: 2007:11:19
|