INGCACISO EMFUTSHANE: | DLS/0014/2007 |
IYA: | KUBO BONKE ABASEBENZI BAKWANDLUNKULU |
| UKUSETYENZISWA KWE-JTRACK SYSTEM (JTS) YESEBE LEMFUNDO LENTSHONA KOLONI |
| 1. |
I-JTrack System (JTS) ingena endaweni ye-Online electronic file tracking system neyaqala ukusetyenziswa ngoMatshi 2007. Le nkqubo ikhankanywe mva yahlaziywa ukwenzela ukuba kulandelelwe ukuhamba kweefayili ngokuchaneke nangaphezulu.
|
| 2. |
Nangona kukho iifasilithi ezintsha enazo ngoku i-ofisi, yenzeka ngokulula kakhulu into yokulahleka kweefayili okanye yokuba zingabi nakulandeleleka ngokukhawuleza.
|
| 3. |
Kwaqaliswa uphando lokujonga izizathu zezi ngxaki zikhankanywe apha ngasentla kunye nokujonga kwakhona ukuba imeko yeefayili njengoko injalo ngokwenene kwiindawo zokusebenzela ezithile (certain work stations) iyangqinelana na noko kubonakala kwi-JTS. Oku kulandelayo ziziphumo zolo phando:
|
| 3.1 |
Iifasilithi ze-Inbox neze-Outbox zamagosa amaninzi zizele kakhulu.
|
| 3.2 |
Amagosa akatsho (do not acknowledge) ukuba azifumene iifayili ezithunyelwe kuwo.
|
| 3.3 |
Kuyenzeka qho ukuba iifayili ezithunyelwa kwamanye amagosa, zingaphawulwa ngokuthi zibhalwe kwi-JTS ukuba zithunyelwe kuloo magosa.
|
| 4. |
Ukuze kulungiswe iimpazamo kusetyenziso lwe-JTS, ayacelwa onke amagosa ukuba enze ezi zinto zilandelayo:
|
| 4.1 |
Yitsho (acknowledge) kwi-JTS ukuba uyifumene ifayili nganye ethunyelwe nge-Inbox ngoko nangoko yakuba ifikile ifayili.
|
| 4.2 |
Qinisekisa ukuba akukho fayili kwi-JTS ebhalwe igama lomnye umntu, ngaphandle kokuba loo fayily isendleleni eya kuloo mntu.
|
| 4.3 |
Ukuba uqaphela ukuba i-Outbox yakho isoloko izele, kuxele oku kumntu ojongene ne-Jtrack kwirejistri yakho.
|
| 4.4 |
Bhala iimfuno zoqeqesho zecandelo lakho uze uzidlulisele kumntu ojongene ne-Jtrack kwirejistri yakho.
|
| 4.5 |
Qinisekisa ukuba ngaba iifayili ezibonakala ku-"On your desk" kwi-JTS ziyangqinelana na nezo zikwindawo yokusebenzela yakho (your workstation).
|
| 5. |
Ukuqinisekisa ukuba ngaba le miyalelo ilapha ngentla iyenziwa, kuza kuhlolwa iindawo zokusebenzela ngo-Agasti 2007. Kuya kucingwa ngokuthatha amanyathelo oluleko ngakumagosa angayihoyanga le miyalelo ikhankanywe apha ngasentla.
|
| 7. |
Nayiphi na imibuzo emalunga nokubhalwe kule ngcaciso imfutshane ingabhekiswa kwaba:
Mnu IA Opperman, ifoni 021 467 2765
Nks M Fick, ifoni 021 467 2758
Nks C Currie, ifoni 021 467 5757
|
| 8. |
Kucelwa wazise okubhalwe kule ngcaciso imfutshane bonke abachaphazelekayo ukuze bakuthathele ingqalelo.
|
ISAYINWE: NGU-W.L. CARELSE
INTLOKO: YESEBE LEMFUNDO
UMHLA: 2007:08:15
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
