| 1. |
ISebe iWCED linovuyo lokwazisa ukuba iibhasari ezili-160 ziza kufunyanwa ngootitshala abafuna ukufumana i-Advanced Certificate in Education (ACE) kwiMathematical Literacy (ML))
|
| 2. |
Le khosi ye-ACE iza kufundiswa emva kweeyure zomsebenzi (part-time) ukususela kuJanuwari 2008 ukuya kuDisemba 2009. Iya kukhokelela kwisiqinisekiso se-NQF seNqanaba 6.
|
| 3. |
Ibhasari nganye iya kuhlawulela iifizi zokufunda nokubhalisa, kwakunye neefizi zendawo yokulala kumaziko emfundo aphakamileyo achaphazelekayo.
|
| 4. |
Iindleko zothutho zokuya nokubuya kwindawo yoqeqesho ziya kuhlawulwa liSebe iWCED. Nakuba kunjalo, ootitshala baya kuzihlawulela ngokwabo iindleko zeencwadi nezincedisi zokufunda.
|
| 5. |
Le khosi iya kufundiswa yiYunivesithi yaseNtshona Koloni (University of the Western Cape)(UWC), iYunivesithi yaseStellenbosch (University of Stellenbosch)(US), iYunivesithi yaseKapa (University of Cape Town)(UCT) kunye neYunivesithi yeThekhinoloji yakuSinga-siqithi weKapa (Cape Peninsula University of Technology)(CPUT)) kubafundi baseNtshona Koloni. Oku kulandelayo ngamalungiselelo ekhosi kula maziko:
| | Umhla wobhaliso | Iiklasi ziyaqala | Amalungiselelo eklasi |
| UWK & UK | 15/01/2008 | 01/02/2008 | 2 x 3 iiyure ngeveki
(kufundiswa ngesiNgesi) |
| KSUT | 01/02/2008 | 01 & 02/02/2008 | NgoLwezihlanu neMigqibelo
(kufundiswa ngesiNgesi).
Indawo yokulala iyafumaneka |
| US | 07/01/2008 | Nge-07 ukuya kwi-11/01/08 | 5 iiveki ngonyaka (Ziiseshoni
ezisikelwe ixesha elithile
ngeeholide (block session)
Indawo yokulala iyafumaneka
e-US (Zifundiswa ikakhulu ngeAfrikansi) |
|
| 6. |
Ezi zinto zilandelayo ziya kujongwa kuqala ngelixa lenkqubo yokukhetha:
- Ootitshala abangenaso isiqinisekiso sokufundisa iML abafundisa iML kumaBakala 10, 11 & 12
- Ootitshala abafundisa iMathematika kumaBakala 8 & 9 befikelela nakwiiklasi zeML okanye abaza kube befundisa iiklasi zeML
- Ootitshala abangenasiqinisekiso sivunyiweyo sokufundisa iMathematika kwiMatriki
- Ootitshala abangenayo iMathematika kwinqanaba leMatriki
|
| 7. |
Ootitshala abanqwenela ukuba baqwalaselwe xa kukhethwa abaza kufumana ibhasari yekhosi kucelwa bazalise iikopi zeziHlomelo A no-B eziqhotyoshelweyo bazingenise kwiSebe leMfundo, kodwa baqale bazidlulise kwiinqununu zezikolo zabo. Izicelo mazifike kule dilesi ilandelayo ungadlulanga uMvulo, we- 26 Novemba 2007:
The Head: Education
Examinations, For attention: Mr G de Bruyn (Room 8-78)
Directorate: Internal Human Capital Management.
Western Cape Education Department
Private Bag X9114
CAPE TOWN
8000
|
| 8. |
Kucelwa wazise okubhalwe kule ngcaciso imfutshane bonke abachaphazelekayo.
|
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2007:11:16
|