INGCACISO EMFUTSHANE: | DCO/0002/2007 |
IYA: | KUBALAWULI ABAZIINTLOKO, KUBALAWULI (KWANDLUNKULU NAKWII-EMDC), KWIINGCALI ZEMFUNDO EZIZIINTLOKO, KUBACEBISI NGEZEKHARITYHULAM ABAZIINTLOKO, KUBAPHATHI BEESEKETHE ABAKHULU, KUBACWANGCISI BEKHARITYHULAM ABAKHULU, KUBAPHATHI BEESEKETHE, KUBACEBISI NGEZEKHARITYHULAM, KUBAQUQUZELELI BOVAVANYO NAKWIINTLOKO ZAMAZIKO EZIFUNDISA AMABAKALA 10 - 12 |
| IZIKHULULO ZERADIYO ZOLUNTU ZIZA KUSASAZA IIPROGRAM ZOKUHLAZIYA IZIFUNDO ZEMATRIKI |
| 1. |
Sinovuyo ukubhengeza ukuba izikhululo zeradiyo zoluntu ezili-12 zivumile ukusasaza iiprogram zokuhlaziya izifundo zeMatriki zabafundi abalungiselela ukubhala iimviwo zeMatriki zika-2007.
|
| 2. |
Ezi zikhululo ziya kuzisasaza ezi program ngokusebenzisana kunye neSebe leMfundo leNtshona Koloni (iWCED) neSebe lezoNxibelelwano neNgcaciso likaRhulumente (Government Communications and Information System (GCIS) )
|
| 3. |
Ezinye izikhululo zeradiyo zoluntu ziya kuzisasaza ngqo ezi seshoni ukanti ezinye ziya kuzirekhoda zize ziphume kwiiprogram ezahlukileyo. Usasazo ngqo luya kuba phakathi kwentsimbi yesi-6 neyesi-7 ukuqalela ngoLwesithathu kuye kuLwesine zonke iiveki, kude kuye ngasekupheleni kuka-Oktobha. Kusenziwa izigqibo ngemihla yeeprogram zokugqibela.
|
| 4. |
Izikhululo zeradiyo ezingayi kuzisasaza ngqo ezi program ziya kubhengeza amaxesha okuphuma eeseshoni eziya kusasazwa emoyeni.
|
| 5. |
Abacebisi ngezekharityhulam nezinye iingcali ziya kukhokela uhlaziyo lwezifundo ngamathuba osasazo kwizifundo zematriki eziphambili ithuba elingangesiqingatha seyure phambi kokuba ziphendule imibuzo. Abafundi nootitshala bangayithumela imibuzo nge-imeyili kule dilesi matric07@pgwc.gov.za, okanye ngefoni kule nombolo yamahala 0800-314-446 ngamaxesha osasazo ukuqala ngo-6 - 7 ngokuhlwa ngoMvulo ukuya kutsho ngoLwesine qho ngeveki.
|
| 6. |
Okwangoku sisacwangcisele ukusasaza iiprogram zohlaziyo lwezifundo iiveki ezisibhozo kwezi zifundo zilandelayo: English, Afrikaans, isiXhosa, Biology, Geography, Mathematics, Economics, Business Economics, History, Physical Science ne-Accounting.
|
| 7. |
Nazi izikhululo zeradiyo ezithatha inxaxheba: Radio 786 (100.4); Voice of the Cape (95.8/100.4); Bush Radio (89.5); Radio CCFM (96.7/107.5); Radio Zibonele (98.2); Radio Tygerberg (104); Radio Atlantis (107.9); Radio West Coast (92.3); Valley FM (88.8); Radio KC (107.7); Eden FM (90.1/103.6) ne-Klein Karoo (87.8).
|
| 8. |
Siqhoboshele apha ishedyuli nesaziso esiza kuzipapasha kumaphepha-ndaba eendawo esihlala kuzo (community newspapers). Siya kukuthakazelela kakhulu ukuba ungaxelela abafundi beBakala 12 nootitshala ngale nkonzo. Sinqwenelela abafundi bethu bematriki nezikolo impumelelo ngandlela zonke njengoko belungiselela iimviwo zeMatriki.
|
ISAYINWE: NGU-A.M. ATTWELL
INTLOKO: YESEBE LEMFUNDO
UMHLA: 2007:09:17
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
