| 1. |
Die Wes-Kaap Onderwysdepartement se MIV/VIGS-eenheid wil dit graag onder die aandag van alle opvoeders, ouers en leerders bring dat die MIV/VIGS-lewensvaardighedemateriaal wat jaarliks aan skole voorsien word, weer vir 2008 aan skole verskaf sal word.
|
| 2. |
Die MIV/VIGS-lewensvaardighedemateriaal, bestaande uit onderwysersgidse, bronhandleidings en leerderwerkboeke wat nog beskikbaar is, sal gedurende die loop van September tot November 2007 afgelewer word by WKOD-kwintiel 1-, 2- en 3-skole, OLSO-skole en VOO-kolleges.
|
| 3. |
Die volgende addisionele materiaal is ingesluit vir kwintiel 1-, 2- en 3-skole:
|
| 3.1 |
Stronger than the Storm - Boeke vir leerders
|
| 3.2 |
Stronger than the Storm - Onderwysershandleiding
U word aangeraai om hierdie boeke te gebruik vir graad 8- en 9-leerders in die Taalleerarea. Vir enige verdere hulp skakel asseblief met die kurrikulumadviseur by u OBOS.
|
| 3.3 |
Biologiestel - Hierdie stel word aanbeveel vir gebruik van graad 8- en 9-leerders in die Natuurwetenskappe.
Vir enige verdere hulp skakel asseblief met die kurrikulumadviseur by u OBOS.
|
| 4. |
Die MIV/VIGS-eenheid wil graag alle hoofde van onderwysinrigtings inlig dat drukstukmateriaal vanaf 2008 slegs verskaf sal word aan kwintiel 1-, 2-, en 3-skole. Alle ander skole sal voorsien word van CD-afskrifte van die materiaal wat dit vir opvoeders moontlik sal maak om slegs daardie materiaal wat hulle benodig, af te laai. Die aflewering van hierdie materiaal sal in die vierde kwartaal van 2007 'n aanvang neem.
|
| 5. |
Die MIV/VIGS-eenheid beplan om in 2008 al die MIV/VIGS-materiaal op die WKOD-kurrikulum webtuiste beskikbaar te hê, en daardeur te verseker dat die materiaal toeganklik is vir alle skole. Verdere kennisgewing sal volg sodra die materiaal beskikbaar is op die webtuiste.
|
| 6. |
Vir enige verdere inligting aangaande die onderwyser- en leerderondersteuningsmateriaal vir MIV/VIGS word u aangeraai om te skakel met u OBOS se kurrikulumadviseurs, senior kurrikulumbeplanners by die Hoofkantoor en met Paul Hendricks of Angelique du Toit van die MIV/VIGS-eenheid by tel. 021 467 2101 of agdutoit@pgwc.gov.za.
|
GETEKEN: M.J. THERON
HOOF: ONDERWYS
DATUM: 2007:09:07
|