| 1. |
Die Direktoraat Inrigtingsbestuur en Beheerbeplanning [IBBB] beplan SBL-konferensies in September 2007. Die prinsipale van alle openbare skole en die voorsitters van die SBL'e word uitgenooi om die konferensies by te woon. Sien die aangehegte program.
|
| 2. |
Drie konferensies sal vir skole in die Wes-Kaap gehou word, en wel in die volgende distrikte:
Breederiver & Overberg by die Hoofsaal van die Boland Kollege, Rainier Straat, Worcester
8h30 - 15h00 : 1 September 2007
Suid-Kaap & Karoo in Pacaltsdorp by die Hope Sentrumsaal in die Eagle's Nest-gebou, 4 Olympicweg, Dellville Park, Pacaltsdorp.
8h30 - 15h00 : 8 September 2007
Die 4 metropolitaanse distrikte en Weskus & Wynland by die Veeldoelige saal ('Multi-purpose' saal) van die Kaapse Skiereiland Universiteit van Tegnologie, Keisergracht- straat, in Kaapstad.
8h30 - 15h00 : 15 September 2007
Sien die aanghegte roete-aanwysings.
|
| 3. |
Skoolhoofde en SBL-voorsitters word versoek om saam na die konferensie te reis. Prinsipale sal vergoed word vir reiskoste waar die afstand gereis meer as 100km in een rigting is. Om te eis vir reiskoste moet die aangehegte 'Subsistence and Transport' eisvorm en die Z43 vorms voltooi en ingehandig word by die konferensie. Eise wat nie korrek of volledig voltooi is nie, sal nie uitbetaal word nie. Sien asseblief die aangehegte voorbeelde vir hulp om die vorms te voltooi.
|
| 4. |
Indien die prinsipaal nie die konferensie kan bywoon nie, maar die SBL voorsitter dit wel bywoon, word die skool versoek om die reiskoste te dek en om die Direktoraat: IBBB van bewys van die uitgawe te voorsien sodat die skool vergoed kan word.
|
| 5. |
Waar die SBL voorsitter alleen na die konferensie gereis het en die afstand van 100km in een rigting oorskrei het, sal die Direktoraat IBBB die skool vergoed sodra die volgende stawende dokumente ontvang word:
'n oorspronklike brief [nie 'n afskrif nie] op die briefhoof van die skool en geteken deur die prinsipaal en die tesourier, wat die totale reiskoste wat deur die skool gedra is uiteensit en bevestig; en die oorspronklike gewisselde tjek uitgemaak aan die SBL-voorsitter [en deur die bank gestempel]; OF
Die oorspronkilke bewys vir 'n kontantbetaling aan die SBL-voorsitter en geteken deur die gemagtigde persone, plus die oorspronklike ontvangsbewys(e) uitgemaak aan die skool vir die kontant ontvang en geteken deur die voorsitter.
NB: Skole moet afskrifte van alle dokumente hou vir verdere verwysings en audit-doeleindes.
|
| 6. |
Akkommodasie sal slegs voorsien word aan prinsipale en SBL-voorsitters wat verder as 200km in een rigting moet reis. Prinsipale en voorsitters wat verblyf sal benodig, moet ook deel B van die aangehegte vorm voltooi. Die inligting aangaande verblyf word lank voor die tyd benodig om beskikbaarheid te verseker. Versoeke om verblyf wat na 24 Augustus 2007 ontvang word, mag dalk nie suksesvol wees nie. 'n Epos om verblyf te bevestig sal aan elke afvaardiging wat verblyf versoek, gestuur word.
|
| 7. |
Persone wat die SBL-konferensie wil bywoon, moet deel A van die aangehegte vorm voltooi en die voltooide vorm faks aan mnr Saul Philander by 021 467 2268, voor 24 Augustus 2007. Die inligting word vooraf benodig om die logistieke te bepaal en te beplan vir 'n suksesvolle konferensie.
|
| 8. |
Vir verder inligting en navrae kan u mnr Saul Philander by tel: 021 467 2580 skakel.
|
| 9. |
Prinsipale word versoek om die inligting in hierdie minuut aan SBL-voorsitters bekend te maak en te bespreek met die voorsitter binne 4 werksdae na ontvangs van hierdie brief, sodat skole binne die gegewe tyd kan reageer
|
| 10. |
U spoedige antwoord word waardeer.
|
GETEKEN: D.R. SHEPHERD
HOOF: ONDERWYS
DATUM: 2007:08:14
|