| 1. |
Aansoeke om beurse word ingewag van staatdienswerknemers wat deeltydse studies onderneem gedurende die 2008-akademiese jaar, onderworpe aan die volgende voorwaardes:
- Aansoeke moet personeel wees wat aangestel is ingevolge die Staatsdienswet (Wet 103 van 994) en in diens is van die Wes-Kaap Onderwysdepartement (WKOD).
- Hulle moet onder verpligting wees of van voorneme wees om deeltydse studie gedurende 2008 te onderneem.
- Slegs amptenare wat permanent aangestel is, sal oorweeg word.
- Hulle moet aan die toelatingsvereistes van die betrokke onderwysinstansie voldoen.
- Hulle mag nie reeds ontvangers van 'n staatsbeurs of enige ander beurs wees nie.
- Hulle moet Suid-Afrikaanse burgers wee.
|
| 2. |
Alle aansoeke sal geëvalueer word ooreenkomstig die volgende kriteria :
- Die geskiktheid van die voorgenome studierigting met betrekking tot die WKOD se huidige en toekomstige strategiese behoeftes
- Die betrokke direktoraat se behoefte aan spesifieke of skaars vaardighede
- Diensbillikheid (ras, geslag, gestremdhede)
- Landelike versus stedelike gebiede
- Relevansie tot die spesifieke werkbeskrywing
- Ontwikkelingsrelevansie
- Ander kwalifikasies
- Salarisvlakke
- Nagraads versus voorgraads
- Die toesighouer se aanbeveling, wat by die aansoek aangeheg moet wees.
- Beskikbaarheid van fondse
- Die vereistes van die Wet op Diensbillikheid (55/1998), die Wet op Vaardigheids- ontwikkeling (97/1988) en ander relevante wetgewing en die toesighouer se aanbeveling op die Bylae A-vorm beleidsdokumente
|
| 3. |
Elke beursaansoek moet uit die volgende dokument bestaan:
- 'n Voltooide Aansoekvorm vir 'n Studiebeurs (Afskrifte van die aangehegte vorm moet gebruik word.)
- 'n Geskrewe beraming van studieonkoste (registrasiegeld, onderriggeld en ander studieverwante uitgawes) vir die 2007-studiejaar. Hierdie inligting kan van tersięre inrigtings verkry word.
- Die toesighouer se aanbeveling op 'n afskrif van die aangehegte Bylae A-vorm
|
| 4. |
Aansoeke moet voorgelę word aan die volgende adres teen Vrydag, 31 Augustus 2007:
Hoof: Onderwys
(Vir aandag : Mnr AM Shasha)
Direktoraat Menslikehulpbronontwikkeling
Wes-Kaap Onderwysdepartement
Privaatsak X9114
KAAPSTAD
8000
|
| 5. |
Aansoeke mag ook in die posbus geplaas word wat gemerk is "Staatsdienspersoneel", in die Hoofkantoor se portaal by Grand Central Towers, Laer Parlementstraat, Kaapstad.
|
| 6. |
Geen laat, onvolledige of onleesbare aansoeke sal oorweeg word nie.
|
| 7. |
Die Beurskomitee sal alle aansoeke oorweeg en in rangorde opstel, en dan aanbevelings maak ten opsigte van die toekenning van beurse. Beurstoekennings sal nie die volle registrasie- en onderriggelde oorskry nie en dit ook nie noodwendig dek nie. Die aantal aansoeke wat ontvang is en die fondse wat beskikbaar gestel is, sal bepaal hoeveel beurse toegeken word.
|
| 8. |
Senior Bestuur van die WKOD sal die finale goedkeuring gee vir die getal beurse wat toegeken sal word.
|
| 9. |
Daar sal van elke suksesvolle applikant verwag word om 'n formele ooreenkoms met die WKOD aan te gaan om 'n jaar diens te lewer vir elke jaar waarvoor die beurs toegeken word en om te voldoen aan ander stipulasies soos in die ooreenkoms uitgespel.
|
| 10. |
Moet asseblief nie huiwer om die persoon wie se naam bo-aan hierdie minuut verskyn, te skakel indien u enige verdere inligting oor die beursskema benodig nie.
|
| 11. |
Maak asseblief seker dat alle Staatsdienspersoneel onder u beheer kennis dra van die inhoud van hierdie minuut.
|
GETEKEN: E. KIRSTEN
HOOF: ONDERWYS
DATUM: 2007:07:10
|