AAN: | HOOFDIREKTEURE, DIREKTEURE (HOOFKANTOOR EN OBOS'e), SENIOR KRINGBESTUURDERS, KRINGBESTUURDERS, PRINSIPALE VAN OPENBARE SKOLE EN VOORSITTERS VAN SKOOLBEHEERLIGGAME |
| GEVORDERDE SERTIFIKAAT IN ONDERWYS (GSO): SKOOLLEIERSKAP (SL) |
| 1. |
Die nasionale Departement van Onderwys (DvO) het 'n proses van stapel gestuur vir die ontwikkeling van die professionele vereistes vir skoolbestuurders.
|
| 2. |
Die proses sluit in die registrasie van 'n kwalifikasie, die Gevorderde Sertifikaat in Onderwys: Skoolleierskap (GSO: SL) deur hoëronderwysinrigtings (HOI's) by die Raad op Hoër Onderwys (RHO). Die Universiteit van die Wes-Kaap (UWK) en die Universiteit van Kaapstad (UK) het akkreditasie van die RHO gekry en sal die tweejaar deeltydse program in die Wes-Kaap aanbied.
|
| 3. |
Die oogmerk met die GSO: Sl is om skole te help om leersentra te word waar gehalteonderwys gelewer word deur middel van die ontwikkeling van onderwysleiers wat 'n kritieke begrip het van skoolleierskap en -bestuur binne demokratiese transformasie het.
|
| 4. |
Die Wes-Kaap is een van die provinsies wat geďdentifiseer is waar veldstudie oor die toepaslikheid en lewensvatbaarheid van die GSO-program onderneem sal word. Hoewel die porgram uiteindelik gemik sal wees op opvoeders wat prinsipale wil word, sal die veldstudie op prinsipale fokus, wat die studiegroep sal uitmaak. Bylae A verskaf meer inligting oor hierdie program.
|
| 5. |
Vir die veldstudie sal algeheel 160 studente geakkommodeer word in die eerste inname in Junie/Julie 2007 en 160 sal in 'n tweede inname in Januarie 2008 geakkommodeer word. Volledige beurse sal toegeken word aan alle studente wat vir beide innames geselekteer word.
|
| 6. |
Die seleksie van studente sal afhang van die areas wat deur die twee HOI's (UWK en WK) in die Wes-Kaap aangesien dit deel van die program is dat dosente ondersteuning aan studente by hulle skole moet bied.
|
| 7. |
Dienende prinsipale wat deel wil wees van die program word versoek om Bylae B en C in te vul en hulle aansoek op of voor Vrydag, 4 Mei 2007 te stuur aan
Die Hoof: Onderwys
Wes-Kaap Onderwysdepartement
Vir aandag: Mnr G de Bruyn (Kamer 8-78)
Direktoraat: Menslikehulpbronontwikkeling
Grand Central Towers
Laer-Parlementstraat
KAAPSTAD
8000
|
| 8. |
Bring asseblief die inhoud van hierdie minuut onder die aandag van alle belanghebbendes.
|
| 9. |
U samewerking sal waardeer word.
|
GETEKEN: E KIRSTEN
HOOF: ONDERWYS
DATUM: 2007:04:16
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
