1. Die Direktoraat: Sosiale Dialoog en Menseregte (Departement van die Premier), wat die stukrag is vir die geslagshoofstroming in die Provinsiale Regering van die Wes-Kaap, het drie prioriteite geïdentifiseer om die hoofstroming van menseregte-gelykberegtiging na die volgende vlak te neem. Die proriteite is

  • om 'n nuwe begrip van hoofstoming te ontwikkel

  • om 'n volledige evaluering van menseregte en hoofstroming in alle departemente te onderneem om die toekomsrigting te bepaal en

  • om 'n provinsiale hoofstromingsbeleid te ontwikkel.

Die Wes-Kaap Onderwysdepartement (WKOD) hoop om 'n volle deelnemer te wees op elke vlak van hierdie proses. Dit is dus van kritieke belang dat al ons geslagsfokuspersone aktief betrokke sal wees by geslagskwessies in 2007.
2. Alle direkteure word daaraan herinner om die name van hulle geslagsfokuspersoon aan Carmelita Lee Shong te stuur by e-pos: clees@pgwc.gov.za nie later nie as 2 April 2007.
3. Elke direktoraat of OBOS moet 'n verteenwoordiger hê. Die geslagsbeleid is ingesluit en kan direkteure lei t.o.v. die keuse van 'n geslagsfokuspersoon.
4. Direkteure word daaraan herinner dat die geslagsfokuspersone 'n belangrike rol vervul in die vestiging van 'n menseregtekultuur en 'n kultuur van wedersydse respek binne die WKOD. Die geslagsfokuspersone gee ook insig in wat elke direktoraat en OBOS doen om 'n kultuur van gelykheid in hulle onderskeie direktorate te vestig.
5. 'n Kultuur van wedersydse respek en aanvaarding kan slegs geskep word met die volle deelname van alle WKOD-personeel.


GETEKEN: E. KIRSTEN
HOOF: ONDERWYS
DATUM: 2007:03:14

Geslagsbeleid (Gender Policy)  (grootte: 33 KB)