| 1. |
Die Kaapse Onderwysinrigting (KOI) sal gedurende die skooljaar in 2008 kursusse vir opvoeders en skoolbestuurders aanbied, soos uiteengesit in Bylae A, B, C en D.
|
| 2. |
Opvoeders wat hierdie kursusse wil bywoon, word aangeraai om via die distrikbeamptes te registreer, soos aangedui in Bylae E.
|
| 3. |
Kursusse word 'n hele aantal keer herhaal ten einde verskillende groepe opvoeders die geleentheid te bied om dit by te woon.
|
| 4. |
Slegs ses-en-vyftig opvoeders kan per kursus geregistreer word. Hierdie opvoeders sal uit al agt Distrikte in die provinsie gekies word. Dit beteken dat slegs 'n beperkte aantal opvoeders 'n kursus op 'n gegewe tydstip kan bywoon.
|
| 5. |
Kursusse wat vier weke duur, is in twee blokke verdeel om opvoeders die geleentheid te gee om terug te gaan skool toe en die opleiding te implementeer.
|
| 5.1 |
'n Vierweke-kursus het twee blokke (blok een en blok twee) van twee weke per blok.
|
| 6. |
Opvoeders moet beide blok een en blok twee van dieselfde kursus bywoon ten einde die volle kursus af te handel. Indien 'n opvoeder byvoorbeeld kursus 3, die Syferkundigheidskursus vir die Grondslagfase, wil bywoon, sal die opvoeder blok een van hierdie kursus van 5 Mei tot 16 Mei 2008 deurloop en die kursus voltooi deur blok twee van 21 Julie tot 1 Augustus 2008 by te woon.
|
| 7. |
Daar kan nie tussen blokke van verskillende kursusse verwissel word nie.
|
| 8. |
Opvoeders moet dus kursusse kies wat sal plaasvind gedurende tye waarop hulle beskikbaar sal wees om die volle kursus by te woon.
|
| 9. |
Nominasies van Distrikamptenare vir kursusse wat gedurende die eerste kwartaal van 2008 aangebied word, moet die KOI voor 20 November 2007 bereik ten einde die registrasie proses vir die eerste kwartaal van 2008 glad te laat verloop.
|
| 10. |
Skakel gerus met Nobantu Pasiya by 021 900 5022 of per e-pos by npasiya@pgwc.gov.za vir meer inligting.
|
| 11. |
Bring asseblief die inhoud van hierdie minuut onder die aandag van alle opvoeders.
|
GETEKEN: E. KIRSTEN
HOOF: ONDERWYS
DATUM: 2007:10:01
|