AAN: | HOOFDIREKTEURE, DIREKTEURE (HOOFKANTOOR EN OBOS'e), SENIOR KRINGBESTUURDERS, KRINGBESTUURDERS, HOOFKURRIKULUMADVISEURS KURRIKULUMADVISEURS EN HOOFDE VAN ONDERWYSINRIGTINGS |
| DEELTYDSE BEURSSKEMA VIR BEd HONS-STUDIE VIR KS-OPVOEDERS |
| 1. |
Die Wes-Kaap Onderwysdepartement (WKOD) het waardering vir die ondernemingsgees wat ons opvoeders aan die dag lê deur pogings aan te wend om hulleself te bekwaam, hulle kennis van onderwysrigtings te verbreed en hulle vaardighede in die onderwysveld te ontwikkel.
|
| 2. |
Om hierdie rede verskaf dit die WKOD groot genoeë om aan te kondig dat 'n beursskema ingestel is om opvoeders by te staan wat wil inskryf vir hulle eerste nagraadse BEd Hons, en in enige studieveld met die uitsondering van Skoolbestuur wil spesialiseer.
|
| 3. |
Opvoeders wat vir die 2007 akademiese jaar ingeskryf het, word uitgenooi om aansoek te doen om finansiële bystand in die vorm van 'n beurs vir die oorblywende deel van hulle studiejaar of -jare om die kursus te voltooi.
|
| 4. |
Die toekenning van die beurs is onderhewig aan die volgende voorwaardes:
| (a) |
Die opvoeder moet 'n geregistreerde student by 'n geakkrediteerde Hoër Onderwysinrigting in die Wes-Kaap wees
|
| (b) |
Die opvoeder moet in sy/haar eerste of tweede studiejaar wees;
|
| (c) |
Die opvoeder moet permanent aangestel wees in die diens van die WKOD;
|
| (d) |
Die opvoeder mag nie reeds enige staatsbeurs of enige ander beurs ontvang nie;
|
| (e) |
Die opvoeder moet 'n Suid-Afrikaanse burger wees; en
|
| (f) |
Die studiebeurs sal slegs onderriggeld en registrasiegeld dek.
|
|
| 5. |
Elke beursaansoek moet vergesel wees van die volgende dokumente:
| (a) |
'n Voltooide aansoekvorm vir die studiebeurs (Bylae A)
|
| (b) |
Voltooide vorm van ooreenkoms (Bylae B)
|
| (c) |
Bewys van registrasie vir die 2007-akademiese jaar.
|
| (d) |
Geskrewe bewys van studiekoste (registrasiegeld) aangegaan vir die 2007-akademiese jaar. Hierdie inligting is verkrygbaar by die Inrigting vir Hoër Onderwys by wie u geregistreer het.
|
|
| 6. |
Aansoeke moet teen Vrydag, 12 Oktober 2007 voorgelê word aan die volgende adres:
Hoof: Onderwys
(Vir aandag: Mnr GC de Bruyn)
Direktoraat: Menslike Hulpbronontwikkeling
Wes-Kaap Onderwysdepartement
Privaatsak X9114
KAAPSTAD
8000
|
| 7. |
Geen aansoeke wat laat, onvoltooid of onleesbaar is, sal oorweeg word nie.
|
| 8. |
Die Beurskomitee sal alle aansoeke oorweeg en prioritiseer, en dan aanbevelings maak t.o.v. die toekenning van die beurse. Beurstoekennings sal nie die totaal van die volle registrasie- en onderriggelde oorskry nie, maar sal dit ook nie noodwendig volledig dek nie. Die getal aansoeke wat ontvang is en die fondse wat beskikbaar gestel is, sal bepaal hoeveel beurse toegeken word.
|
| 9. |
Elke suksesvolle aansoeker moet 'n formele ooreenkoms met die WKOD aangaan om 'n jaar diens te lewer vir elke jaar waarvoor die beurs toegeken is en om te voldoen aan die ander bepalings soos in die ooreenkoms uiteengesit is.
|
| 10. |
Vir enige verdere inligting, kontak asseblief mnr Gavir de Bruyn by tel. 021 467 2575 of by e-posadres: gdebruyn@pgwc.gov.za.
|
| 11. |
Bring asseblief die inhoud van hierdie minuut onder die aandag van almal betrokke.
|
GETEKEN: E. KIRSTEN
HOOF: ONDERWYS
DATUM: 2007:09:21
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
