AAN: | HOOFDIREKTEURE, DIREKTEURE, (HOOFKANTOOR EN OBOS'E), SENIOR KRINGBESTUURDERS, KRINGBESTUURDERS, HOOFKURRIKULUMADVISEURS, KURRIKULUMADVISEURS EN HOOFDE VAN ONDERWYSINRIGTINGS |
| AGGREY KLAASTE-TOEKENNINGS VIR DIE WISKUNDE, WETENSKAP EN TEGNOLOGIE-OPVOEDER VAN DIE JAAR VIR 2007 |
| 1. |
Die Wes-Kaap Onderwysdepartement nooi alle prinsipale, skoolbestuurspanne, skoolbeheerliggame, onderwysers, ouers en leerders uir om dienslewerende en afgetrede onderwysers van Wiskunde, Wetenskap en Tegnologie in hulle gemeenskappe vir die 2007 Aggrey Klaaste-toekennings vir die Wiskunde, Wetenskap en Tegnologie-opvoeder van die Jaar te nomineer.
|
| 2. |
Die hoofborge van hierdie toekennings vir uitnemendheid in die onderrig van hierdie belangrike vakke is die Telkom-stigting en The Sowetan.
|
| 3. |
Let asseblief op die volgende belangrike inligting aangaande nominasies:
|
| 3.1 |
'n Nominasievorm word by hierdie minuut ingesluit. Fotokopieë van hierdie nominasievorm sal aanvaar word.
|
| 3.2 |
Nominasies word ingewag vir onderwysers in die volgende kategorieë:
| (i) |
Praktiserende opvoeder: VOO-fase (graad 10-12)
|
| (ii) |
Praktiserende opvoeder: AOO-fase (graad 4-9)
|
|
| 3.3 |
Maak asseblief seker dat die nominasievorm volledig ingevul is.
|
| 3.4 |
Nomineerders moet die nominasiekriteria gebruik op die nominasievorm om te bepaal of die genomineerde aan die vereistes voldoen om in aanmerking te kom vir die toekenning.
|
| 3.5 |
Elke genomineerde moet 'n portefeulje voorberei wat saam met die ingevulde nominasievorm by die OBOS vir beoordeling ingedien moet word.
|
| 3.6 |
Ingevulde nominasievorms moet aan die hoofkurrikulumadviseur by die OBOS gestuur word, duidelik gemerk "Vir aandag: Hoofkurrikulumadviseur - Toekenning vir die Wiskunde, Wetenskap en Tegnologie-onderwyser van die Jaar 2007". Die sluitingsdatum vir die indien van nominasies is 1 Oktober 2007.
|
| 4. |
Die ontvangers van provinsiale toekennings in die drie kategorieë sal in aanmerking kom vir nasionale toekennings, wat in Maart 2008 in Johannesburg gedoen sal word.
|
| 5. |
Verwys asseblief na die agterkant van die nominasievorm vir 'n beskrywing van die pryse wat toegeken sal word op provinsiale en nasionale vlakke.
|
| 6. |
Dinaledi- en Tegnologie/Ingenieurswese-fokusskole word sterk aangemoedig om verdienstelike onderwysers te nomineer vir toekennings in die verskillende kategorieë.
|
| 7. |
Skakel met u kurrikulumadviseur vir Wiskunde, Wetenskap en Tegnologie by u OBOS of met die provinsiale koördineerder, Gavin de Bruyn, by telefoonnommer 021 467 2575 of e-posadres gdebruyn@pgwc.gov.za vir meer inligting.
|
| 8. |
U hulp om die werk van uitnemende onderwysers te erken, word op prys gestel.
|
GETEKEN: E. KIRSTEN
HOOF: ONDERWYS
DATUM: 2007:08:22
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
