1. Die LUR het aan die Wes-Kaap Onderwysdepartement (WKOD) 'n mandaat gegee om teikens te stel vir die verbetering van die algehele prestasie van die Departement. Aangesien dit 'n betreklik nuwe en komplekse proses is, het die WKOD besluit om voorlopige of tussentydse teikens te stel met die oog daarop om medium- en langtermynteikens te stel. Die aanname is dat belangrike lesse vir toekomsbeplanning geleer sal word uit pogings om korttermynteikens vir 2007 te bereik. Die korttermynteikens sluit die volgende in:

  • Graad 12-leerderslaagsyfer (soos hieronder aangedui):

    Skole wat minder as 60% in 2006 behaal hetStel teiken van 60% vir 2007
    Skole wat meer as 60% in 2006 behaal hetStel teiken van 'n verbetering van 10% in 2007 se uitslae
    Skole wat 90% behaal het in 2006Word gelukgewens met slaagsyfer vir 2006 en word aangemoedig om uitslae in 2007 te verbeter. 'n Verhoging in die aantal endossemente word aangemoedig.
    Alle skole100% deurgang van leerders in graad 12 en binne die VOO-band

  • Wiskunde, Wetenskap en Tegnologie-fokusskole: Jaarlikse verhoging van die skool se inskrywing en 'n 10% verhoging van die gemiddelde punt vir die graad 9- en 10-leerders in die fokusareavakke

  • Kuns en Kultuur-fokusskole: Jaarlikse verhoging van die skool se inskrywing en 'n 10% verhoging van die gemiddelde punt vir die graad 9- en 10-leerders in die fokusareavakke

  • Besigheid, Handel en Bestuur-fokusskole Jaarlikse verhoging van die skool se inskrywing en 'n 10% verhoging van die gemiddelde punt vir die graad 9- en 10-leerders in die fokusareavakke

  • 100% deurgang van leerders in die Grondslag-, Intermediêre en Senior Fase

  • Jaarlikse verbetering van 10% in die geletterdheids- en gesyferdheidsvlakke in graad 3, 6 en 8
2. Die teikens moet gegrond wees op 'n analise van elke skool se uitslae en leerderdata vir 2003 tot 2006. Daar word aanbeveel dat die prinsipaal die skoolbestuur oorleg pleeg met alle betrokke onderwysers en gereeld met die personeel vergader om vordering ten opsigte van hierdie teikens te bespreek. Kringbestuurders is versoek om hierdie proses met skole te fasiliteer en om skole te help waar nodig.
3. Alle sekondêre skole word versoek om 'n driejaarstrategie te ontwikkel vir die vermeerdering van die aantal endossemente wat in die graad 12-eksamen verwerf word. Aangesien dit afhang van die vakkeuses, moet skole 'n langtermynstrategie ontwikkel om die aantal endossemente te vermeerder.
4. Die WKOD se oorhoofse oogmerk is om konsekwentheid vol te hou en om voortdurend te streef na die verbetering van leeruitkomste.
5. Daar moet ooreengekom word op teikens, dit moet deur die skoolbeheerliggaam en die verteenwoordigende leerlingraad onderteken word en teen 30 Maart 2007 by die OBOS-direkteur ingedien word. Teikens moet elke November vir die daaropvolgende jaar gestel word.
6. Prinsipale moet dus seker maak dat alle onderwysers, nie-onderwyspersoneel en leerders bekend is met die inhoud van hierdie minuut.


GETEKEN: S.M. NAICKER
HOOF: ONDERWYS
DATUM: 2007:02:23