1. Teen die agtergrond van 'n groter wordende vaardighedetekort en die behoefte om die ekonomiese deelname te verbreed van die meerderheid van die benadeelde bevolking in Suid-Afrika, het die Versnelde en Gedeelde Groei-inisiatief vir Suid-Afrika (Asgi-SA) en die Gesamentlike Inisiatief vir Prioriteitsvaardighede-verwerwing in Suid-Afrika (JIPSA) kort- sowel as langtermynintervensies ingestel. Dit is daarop gemik om diegene wat in die tweede ekonomie lewe, uit armoede te lig. Dit is van kritieke belang vir albei hierdie doelstellings om die vaardighedetekort in prioriteitsektore binne die ekonomie aan te pak, waar die aanvraag na geskoolde burgers groot is.
2. Die Menslikekapitaal-ontwikkelingstrategie (MKOS) van die Wes-Kaap reageer op Asgi-SA en JIPSA se inisiatiewe deur sleutelprogramme en intervensies te identifiseer wat die strewe om die volk te skool sal versnel.
3. Die aangehegte verslag oor die stand van sake t.o.v. huidige vaardigheidsontwikkelings- programme en inisiatiewe binne die WKOD is geskryf en reflekteer leerderinskrywing en prestasie soos teen 30 Junie 2007. Die verslag gee besonderhede oor hoe die WKOD reageer op die vaardighedetekort in Suid-Afrika deur middel van die verskillende programme wat deur die volle reeks onderwysinrigtings aangebied word.
4. Die verslag fokus op hoe die WKOD op 6 stelle prioriteitsvaardighede reageer, soos deur die JIPSA geïdentifiseer, nl. ingenieurswese, ambagsmanne, stads- en streeksbeplanning, uitbesteding van sakeproses, toerisme, en inligtingskommunikasie en tegnologie. Twee verdere sektore is deur Asgi-SA geïdentifiseer, nl. biobrandstowwe (landbou), en beplanning en bestuur.
5. Hierdie verslag kan aangewend word deur skole as 'n loopbaanvoorligtingsbron, in samewerking met inligting in MEDS en PERO (sien Onderwysbeplanningsminuut 0007/2007 van 24 April 2007) om te help met die identifikasie van gebiede waar vaardighede die nodigste is in die provinsie. Skole kan leerlinge dan aanmoedig om in daardie rigtings te studeeraangesien die werksgeleenthede goed sal wees en die provinsie iets sal kan doen aan die tekort aan voaardighede.
6. Vir meer inligting, versoek ons u om tog nie te huiwer om enige lid van die MKOS-projekspan te kontak nie. Fiona Lewis (tel. 021 467 9346, e-pos: filewis@pgwc.gov.za), Vumile Nyalashe (tel. 021 467 9350, e-pos: vnyalash@pgwc.gov.za) of Zaahida Hartley (tel. 021 467 9354, e-pos: ).


GETEKEN: S. NAICKER
HOOF: ONDERWYS
DATUM: 2007:11:22


Die dokumente, waarna verwys word in die Minuut, is aan skole gestuur.