1. AGTERGROND
1.1 Die dokument, “Raamwerk vir Samewerking, Koördinering en Bestuur van Skolesport in Openbare Gewoneskole”, is gesamentlik onderteken op 17 Maart. Die gesamentlike ondertekenaars van hierdie dokument was die Minister van Onderwys, GNM Pandor en die Minister van Sport en Ontspanning, MA Stofile.
1.2 Ingeslote by die genoemde “Raamwerk vir Samewerking”-dokument is die imperatief dat skoolsportprogramme strategies ingeskakel moet word by nasionale en provinsiale intervensies, soos MIV & VIGS-bewustheidsveldtogte, Nasionale en Provinsiale Misdaadvoorkomingstrategieë, morele herskepping, ens.
1.3 In die loop van 2006/2007 het die Premier van die Wes-Kaapprovinsie aangekondig dat skoolsport ‘n provinsiale prioriteit is.
1.4 In die loop van 2006 het die Minister van Onderwys, Cameron Dugmore, aanbeveel dat ‘n WKOD-gebaseerde skolesporttaakspan saamgestel word. Hierdie span het toe geskakel met die Skolesportsubdirektoraat van die Departement van Kultuursake en Sport (DKSS), om gesamentlik te verseker dat skolesport in die Wes-Kaap aangebied word.
1.5 Op 12 Mei 2007 het die Wes-Kaap Onderwysministerie en sy Departement (WKOD), saam met die Ministerie vir Kultuursake en Sport en sy Departement (DKSS), met die bekendstelling van die Wes-Kaap Skolesport (WKSS), ‘n Wes-Kaap Skolesport-memorandum van ooreenkoms onderteken (MvO). Die WKSS, wat die Provinsiale Koördineringskomitee (PROKOK) vir Skolesport in die Wes-Kaapprovinsie is, het die volgende strukture in plek: Volle Raad, Uitvoerende Komitee (Exco) en Bestuurskomitee (Manco).
  1.5.1    Volle Raad:    PROVINSIE:  WKOD (2)
PROVINSIE:  DKSS (2)
PROVINSIE:  SBL’e (2) = (1 per organisasie)
PROVINSIE:  Onderwysersunies (3) = (1 per organisasie)
PROVINSIE:  VRL’e (7) = (1 per OBOS)
PROVINSIE:  WK-sportforum (federasies) (7) = (1/OBOS)
PROVINSIE:  WK plaaslike bestuurslede (7) = ( 1 per OBOS)
PROVINSIE:  Skolesportkodes (± 20) = (1 per kode)
PROVINSIE:  Spesiale skole (7) = (1 per dissipline)
PROVINSIE:  Vrywilligers (7) = (1 per OBOS)
DISTRIKTE:   DKSSS (7) = (1 per OBOS)
DISTRIKTE:   WKOD (7) = (1 per OBOS)
  1.5.2    Exco:    PROVINSIE:  WKOD (2)
PROVINSIE:  DKSS (2)
PROVINSIE:  SBLe (2) = (1 per organisasie)
PROVINSIE:  Onderwysersunies (3) = (1 per organisasie)
PROVINSIE:  Verteenwoordigende raad van leerders (1)
PROVINSIE:  WK-sportforum (federasies) (1)
PROVINSIE:  WK plaaslike besture (1)
PROVINSIE:  Skoolsportkodes (4)
PROVINSIE:  Spesiale skole (4)
PROVINSIE:  Vrywilligers (1 provinsiale verteenwoordiger)
OBOSe:        DKSS (1 provinsiale verteenwoordiger)
OBOSe:        WKOD (1 provinsiale verteenwoordiger)
  1.5.3    Manco:    2 DKSS-verteenwoordigers
2 WKOD-verteenwoordigers
1.6 Die MvO verbind die twee departemente aan die gesamentlike organisasie, koördinering en implementering van skolesport en dit skep ook die raamwerk en bepaal die gesindheid wat die beoefening van skolesport in die Wes-Kaapprovinsie ten grondslag moet lê.

2. HUIDIGE STATUS
2.1 Skolesport in die Wes-Kaapprovinsie funksioneer nou onder die banier van die Wes-Kaap Skolesport.
2.2 Dit is die gesamentlike verantwoordelikheid van die WKOD en die DKSS om die effektiewe koördinering, organisasie, ontwikkeling en aanbieding van skolesport in die Wes-Kaapprovinsie te verseker.
2.3 Die individuele name van elk van hierdie kodes van sport wat onder die beskerming van Wes-Kaap Skolesport funksioneer sal geregistreer word as die “Wes-Kaap Skoolsportkode”, bv. Wes-Kaap Skoolsportvoetbal, en Wes-Kaap Skoolsport: Netbal.
2.4 Die program van amptelkike vergaderings per maand is soos volg:
  2.4.1    Week 1:    Manco
  2.4.2    Week 2:    Distriksbeamptes
  2.4.3    Week 3:    Manco
  2.4.4    Week 4:    Exco
  2.4.5    Week 5:    Subkomitees
  2.4.6    Sesmaandeliks:    Volle Raad
2.5 Die Distriksbeamptes se vergadering behels die volgende verteenwoordigers van elk van die OBOS’e, wat sal vergader met die WKOD/DKSS se provinsiale bestuurders van skolesport:
  2.5.1    Die kurrikulumadviseur verantwoordelik vir skolesport;
  2.5.2    Die DKSS se sportpromotor;
  2.5.3    Die DKSS se skoolsportbeampte vir massadeelname;
  2.5.4    Die MIV & Vigs-lewensvaardighedeverteenwoordiger; en
  2.5.5    Die Veiligeskolekoördineerder.
2.6 Die subkomitees sal as die volgende individuele subkomitees vergader:
  2.6.1    Beleid, navorsing en ontwikkeling;   
  2.6.2    Kodes;   
  2.6.3    Toernooie, feeste en talentidentifikasie;   
  2.6.4    Finansies, bemarking, begrotings en aankope;   
  2.6.5    Argiewe (data, rekords, logistiek en fasiliteite); en   
  2.6.6    Transformasie.   
2.7 Aangesien die Nasionale en Provinsiale Koördineringskomitees vir Skolesport nou gestruktureer is, is die volgende stap die strukturering van ‘n Distrikskoördineringskomitee (DISKOK) vir Skolesport in elkeen van die OBOSe. Hierdie proses sal soos volg verloop:
  2.7.1 DISKOK-inligtingsessies en die vestiging van DISKOK-strukture sal plaasvind vanaf Maandag, 16 Julie 2007 tot Vrydag, 31 Augustus 2007. Elkeen van die OBOS’e sal hulle eie inligtingsessies en vestigingsdatums en plekke vasstel.
  2.7.2 Daarna sal die DISKOK-bekendstellings plaasvind en wel vanaf Maandag, 3 September 2007 tot Vrydag, 21 September 2007. Elkeen van die OBOSe sal hulle eie bekendstellingsdatum bepaal.
  2.7.3 Elke DISKOK-struktuur sal die volgende organisasies/strukture insluit:
 

2.8 Die vlakke van skolesportadministrasie binne die Wes-Kaapprovinsie sal as volg wees:


3. GEORGANISEERDE PROGRAMME
Die volgende regerings- en/of nieregeringsgoedgekeurde programme word tans aangebied binne die onderskeie OBOSe:
3.1 REGERINGSPROGRAMME
  3.1.1    Junior Dipapadi (Grondslagfase)   
  3.1.2    Sportbeoefening   
  3.1.3    Inheemse speletjies   
  3.1.4    Skolesport-massadeelname   
  3.1.5    Kodeligaspele   
3.2 NIEREGERINGSPROGRAMME
  3.2.1    Vlugbal (Loodsprogramme)   
  3.2.2    JAG-Padlope (Loodsprogramme)   
  3.2.3    Lovelife-spele   

4. HERONTWERP-IMPLIKASIES
Met die WKOD se herontwerpstrategie se implementering sal die volgende veranderinge ingesluit word:
4.1 In plaas van die 7 OBOSe, sal daar 8 OBOSe wees, wat Distrikte genoem sal word. Skolesport sal binne elk van die 8 OBOSe/Distrikte gestruktureer, bedryf, gelei en bestuur word.
4.2 Die skoolsportsones, soos in 2.8 uiteengesit, sal kringe word.
4.3 Die OBOSe/distrikte sal so ingedeel word dat elkeen van hulle binne die grense val van een van die ses Wes-Kaapse munisipale distrikte, wat Kaap Metro, Kaap Wynland, Sentrale Karoo, Eden, Overberg en Weskus sal wees.

5. SLOTSOM
5.1 Verteenwoordigers van die WKSS Bestuurskomitee sal die aanbiedings behartig by die DISKOK-inligtingsessies, terwyl die betrokke OBOS die hele proses sal fasiliteer.
5.2 Let asseblief daarop dat daar sover moontlik gehou moet word by die datums en tydsraamwerke wat bepaal is vir die onderskeie DISKOK-inligtingsessies, vestiging en bekendstelling.
5.3 Om te verseker dat soveel mense as moontlik kan deel in die nuutste inligting aangaande skolesport, word OBOSe versoek om tussen 1 en 4 inligtingsessies by strategies-geplaasde plekke aan te bied oor die bogenoemde periode, soos vereis en waar moontlik.
5.4 Terwyl dit dringend noodsaaklik is vir alle skoolhoofde en skolesportkoördineerders om ten minste by 1 van die inligtingsessies teenwoordig te wees, word dit versoek dat ‘n oop uitnodiging na alle opvoeders gestuur sal word, asook na die betrokke rolspelers in skolesport (soos aangedui in 1.5.1 en 1.5.2, bv. sportfederasies, SBL’e en onderwyserunies).


GETEKEN: SM NAICKER
HOOF: ONDERWYS
DATUM: 2007:07:27