1. Biblioteke is die sleutels tot die globale netwerk wat aan ons toegang verleen tot inligting. Dit is dus noodsaaklik dat ons skoolbiblioteke ware leerbronnesentrums word en dat die belangrikheid van skoolbiblioteke wyd erken word.
2. As 'n substrategie om toegang tot inligting te bevorder, bepaal die WKOD se Menslikekapitaal-ontwikkelingstrategie vir die Wes-Kaap (2006) onder andere dat bronnesentrums en biblioteke by elke skool ontwikkel moet word om 'n wye verskeidenheid leer- en onderrigondersteuningsmateriaal (LOOM) beskikbaar te stel en dit doeltreffend te bestuur, en vir die integrasie van inligtingsgeletterd-heidsprogramme wat onderrig en leer ondersteun.
3. Internasionale navorsing toon steeds dat leerders wat toegang het tot doeltreffende skoolbiblioteekprogramme, 'n hoër vlak van geletterheid bereik en hoër punte behaal. Indien 'n skool doeltreffende UGO wil verskaf en van plan is om 'n bronryk omgewing te skep waarin waardevolle leer en onderrig kan plaasvind, moet dit seker maak dat daar voldoende voorsiening is van gepaste biblioteekbronne in verskillende formate (drukwerk, analoog, digitaal, met insluiting van aanlyntoegang).
4. In 1999 het die Internasionale Vereniging van Skoolbiblioteekwese (IASL) die vierde Maandag van Oktober tot jaarlikse Internasionale Skoolbiblioteekdag (ISBD) verklaar. Sedertdien is dit in baie lande op verskeie maniere gevier. Die 2007 ISBD sal gevier word op Maandag, 22 Oktober en die tema vir die jaar is "Leer: aangevuur deur jou skoolbiblioteek".
5. ISBD moet beskou word as 'n erkenning van die rol en noodsaaklikheid van biblioteke ten opsigte van lewenslange leer, d.w.s. voorsiening van noodsaaklike leer- en onderrigondersteuningsmateriaal (LOOM) dwarsdeur die skoolstelsel. Leerders kan beter presteer en meer bevoegde lesers word indien hulle toegang het tot 'n skoolbiblioteek met 'n goeie naslaanversameling, wat boeke insluit wat lekker lees en wat ook goeie inligtingsgeletterdheidsprogramme insluit.
6. 'n Paar redes waarom skole ISBD moet vier:
  • Om skoolbiblioteke dwarsoor die wêreld te herinner aan die belangrikheid van wat biblioteke kan doen en reeds doen met betrekking tot nasionale ontwikkeling
  • Om die rol wat die skoolbiblioteek in 'n leerder se onderrig speel van voorskool tot in VOO uit te lig
  • Om idees, inisiatiewe en nuutskeppings uit te ruil sodat diegene wat by skoolbiblioteke betrokke is, insluitende onderwysers in alle leerareas, by mekaar kan leer
  • Om die bydrae wat bibliotekarisse maak tot hulle kollegas en gemeenskappe te erken.
7. Die aangehegte Bylae A stel 'n paar maniere voor waarop die WKOD-skole Internasionale Skoolbiblioteekdag op Maandag, 22 Oktober 2007 kan vier.


GETEKEN: M.J. CHILES
HOOF: ONDERWYS
DATUM: 2007:10:15

Bylae A  (grootte: 30 KB)