1. Die nasionale Onderwysbestuursinligtingstelsel (OBIS) word aangewend om die onderwys- en opleidingsgegewens te versamel, te prosesseer en te versprei om die onderwysstelsel se prestasie te evalueer t.o.v. die verbetering van toeganklikheid, gelykberegtiging en gehalte; om te monitor hoe doeltreffend beleide geïmplementeer word; en om die mate waartoe ongelykhede reggestel word, na te gaan. In die navolging van hierdie doelwitte word twee OBIS-opnames jaarliks geloods (die kitsopname en die jaarlikse opname) vir gewone skole, spesiale skole, BOOV-sentrums en VOO-kolleges.
2. Met die oog op die verbetering van die gehalte van die gegewens wat uit jaarlikse skoolsensusopnames versamel word, het die nasionale Departement van Onderwys dit goedgekeur dat 'n nasionale gehalteoudit van gegewens uitgevoer word oor 'n periode van drie jaar, beginnende in 2007, en dat enige instelling gekies kan word om deel van die steekproef uit te maak. Die Departement het 'n diensverskaffer aangestel, nl. Khulisa Konsortium, om die oudit in 4% van die land se 30 185 openbare en onafhanklike gewone skole, spesiale skole, BOOV-sentrums en VOO-kolleges uit te voer.
3. U word dus versoek om seker te maak dat die gegewens wat in die kits- en jaarlikse opnamevorms verskaf word van die volgende rekords verkry word:
  • Die skooltoelatingsregister
  • Die klasbywoningsregisters vir die jare 2005 tot 2007
  • Eksamenskedules vir bevordering van die jaar 2006
  • Personeelrekords en opvoederinligting
  • Fisiesehulpbronrekords
  • 'n Koppetellery van leerders (hier word dit van u verwag om die leerders byeen te bring. Leerders kan dan na hulle klasse terugkeer sodra hulle getel is. U en die personeel word versoek om te help met die bestuur van die leerders gedurende hierdie proses.)
Die bogenoemde rekords moet beskikbaar gestel word op versoek, en moet altyd bygewerk word.
4. Die veldwerkers sal met u skakel nader aan die ouditdatum. Sodra die veldwerkers by die skool opdaag, sal hulle hulself identifiseer aan die hand van 'n brief wat deur die HOOF:ONDERWYS onderteken is.
5. U bystand met hierdie inisiatief sal baie waardeer word.


GETEKEN: S MAFANGA-KIBI
HOOF: ONDERWYS
DATUM: 2007:11:06