| 1. |
Gehalte in Onderwys-konferensie
Die Wes-Kaap Onderwysdepartement (WKOD) kondig graag aan dat hy 'n provinsiale konferensie gaan aanbied oor Gehalte in Onderwys. (Verwys na Gehalteversekeringsminuut 0003/2007.)
Die datum vir die konferensie is hersien en dit sal nou gehou word op 24 en 25 Augustus 2007.
|
| 1.1 |
Dit sal plaasvind by Kaapstad Kollege se Crawford-kampus in Kromboomweg, Crawford. Die hooflokaal sal die Hoofsaal wees.
|
| 1.2 |
Registrasie sal plaasvind om 09.00 op Vrydag, 24 Augustus 2007 en die verrigtinge vir die dag sal om 19.00 ten einde loop. Sessies sal op Saterdag, 25 Augustus 2007 van 08.30 tot 15.30 loop.
|
| 1.3 |
WKOD-amptenare, skoolbestuurders en nasionale en internasionale kundiges oor Gehalte in Onderwys sal die konferensieprogram aanbied.
|
| 1.4 |
Die konferensie sal besprekings oor Gehalte in Onderwys onder kongresgangers aan die gang sit en dit sal die belangrikheid van verantwoordbaarheid beklemtoon ten einde gehalte in die stelsel te verbeter.
|
| 1.5 |
Die hoofredes en wegbreeksessies sal 'n geleentheid skep waar idees oor die verbetering van gehaltebeheer in die onderwysstelsel gegenereer kan word.
|
| 2.1 |
Daar sal geen bywoningsgeld betaalbaar wees vir die konferensie nie.
|
| 2.2 |
Reisborgskappe is beskikbaar vir afgevaardigdes wat verder as 100 km na die lokaal sal aflê (d.w.s. 'n retoerreis van 200 km).
|
| 2.3 |
Die Direktoraat: Gehalteversekering sal kongresgangers bystaan wat akkommodasie vir die duur van die konferensie benodig, deur moontlike verblyfplekke te identifiseer. Verblyfkoste moet deur die kongresgangers self gedra word.
|
| 3.1 |
Ons wil graag afgevaardigdes uit al die OBOS'e hê. Dit is dus belangrik dat geïnteresseerde afgevaardigdes teen 15 Junie 2007 voorwaardelik moet registreer (sien bylae).
|
| 3.2 |
Daar word voorsien dat meer afgevaardigdes sal aansoek doen as wat ons kan akkommodeer en belangstellendes word dus aangemoedig om so gou as moontlik aansoek te doen.
|
| 3.3 |
Bevestiging sal teen 17 Julie 2007 aan aansoekers gestuur word. Die finale program en lys aanbieders sal die bevestiging vergesel.
|
| 4. |
Skakel met die Direktoraat: Gehalteversekering by lprimo@pgwc.gov.za vir meer inligting.
|
| 5. |
Skole word versoek om die inhoud van hierdie minuut onder die aandag van alle belanghebbendes te bring.
|
GETEKEN: L.J. ROSE
HOOF: ONDERWYS
DATUM: 2007:05:04
|