| 1. |
'n Kopie van die PBOS-kalender vir die 2006/2007- en 2007/2008-siklusse moet versprei word onder alle bestuurders, toesighouers en kantoorgebaseerde opvoeders.
|
| 2. |
Bestuurders en toesighouers word daaraan herinner om alle permanente, gesekondeerde en tydelike kantoorgebaseerde opvoeders betyds in kennis te stel van die jaarlikse prestasiebeoordelings en om tyd opsy te sit vir hierdie beoordelings in Maart.
|
| 3. |
Die tweede vlak van moderering, waartydens bestuurders en toesighouers die voorlopige punte moet bespreek, moet teen 31 Maart afgehandel wees. Die goedgekeurde Riglyne vir Moderering sal u binnekort bereik.
|
| 4. |
Bestuurders en toesighouers word ook daaraan herinner dat, vir die siklus eindigende op 31 Maart 2007, die Werkplan en Vermoëns elk uit 50 bepunt sal word om vir differensiasie toe te laat.
|
| 5. |
Let daarop dat 'n hoë telling nie vir die Vermoëns toegeken kan word indien die teikens in die Werkplan nie behaal is nie.
|
| 6. |
'n Totaal van 50% word vereis om te kwalifiseer vir die 1% salarisvordering. Dit sal die evaluerings van die kantoorgebaseerde opvoeders in ooreenstemming bring met dié van onderwysers by skole.
|
| 7. |
Die voorlegging van punte vir die 2006/2007-siklus moet die Direktoraat: Gehalteversekering teen 11 Mei 2007 bereik. Die puntestaatprofielvorm sal na al die bestuurders gestuur word teen die einde van Maart.
|
| 8. |
Bring asseblief hierdie minuut onder die aandag van die betrokke personeel.
|
GETEKEN: L.J. ROSE
HOOF: ONDERWYS
DATUM: 2007:02:28
|