1. Volgens die GGBS-kalender vir Opvoeders vir 2007, moet die summatiewe evaluering wat in Augustus 2007 'n aanvang geneem het, teen 31 Oktober 2007 afgehandel wees.
2. Die prinsipaal van elke inrigting onder die jurisdiksie van die Wes-Kaap Onderwysdepartement (WKOD) is verantwoordelik daarvoor om toe te sien dat die summatiewe tellings van alle WKOD-betaalde opvoeders by daardie inrigting teen 14 November 2007 by die GGBS-koördineerder in daardie OBOS ingedien word, soos aangedui op die GGBS-kalender vir Opvoeders vir 2007. Dieselfde is van toepassing op VOO-kolleges.
3. Die prinsipaal is verantwoordelik vir die moderering van die summatiewe tellings van die opvoeders op skoolvlak.
4. Moderering binne die konteks van die GGBS is die proses van verifikasie van die geldigheid van uitslae wat teen prestasiestandaarde toegeken is, en die prosesse en prosedures soos voorgeskryf in RAVO Kollektiewe Ooreenkomste 8 van 2003 en 4 en 5 van 2005 onderskeidelik.
5. Die oogmerk van hierdie prosedures is om te verseker dat die prosesse en prosedures soos vervat in die RAVO Kollektiewe Ooreenkoms ten volle nagekom word.
6. Die moderering moet nie die evalueringsproses herhaal nie, maar moet verifieer dat die prosesse aan die beginsels van objektiwiteit, betroubaarheid, geldigheid en deursigtigheid voldoen.

7. Die volgende aktiwiteite moet plaasvind wanneer die moderering uitgevoer word:
  • Die dokumente van elke opvoeder word nagegaan
  • Die punte wat in elke prestasiestandaard vir prestasie toegeken is, word nagegaan
  • Die korrelasie tussen die uitslae van individuele opvoeders en gebiede vir ontwikkeling word nagegaan
  • Daar word seker gemaak dat die PGP's van individuele opvoeders die areas vir ontwikkeling vaslê
  • Daar word nagegaan of dokumentêre bewyse voorsien is om die uitslae te staaf, waar van toepassing
  • Die uitslae van die opvoeder word nagegaan teen die toepaslikheid van die beskikbare bewyse
  • Die verslae oor ontwikkeling/opleiding wat plaasgevind het, word nagegaan
  • Die slaagsyfer van leerders word nagegaan en die OOG moet afwykings, wanverhoudings en/of swak korrelasie verantwoord
8. Die volgende aktiwiteite is die verantwoordelikheid van die prinsipaal:
  • Bepaal die tydsraamwerk op vir die moderering
  • Reël 'n vergadering met die SBS- en POS-lede om die modereringsprosedures te bespreek
  • Maak seker dat die uitslae van alle opvoeders gemodereer is en hulle prestasie reflekteer
  • Gaan na of daar 'n deurlopende toepassing van kriteria was om die uitslae te verkry
  • Bespreek die uitkoms van die modereringsproses met die SBS en POS
9. Die kringbestuurders sal die uitslae van die GGBS-koördineerder ontvang en die uitslae van die skole dwarsoor die kring modereer.


GETEKEN: L.J. ROSE
HOOF: ONDERWYS
DATUM: 2007:10:01