1. WKOD-Omsendbrief 0012/2007 van 23 Maart 2007 het betrekking.
2. Dit is teleurstellend dat minder as 30% van die PPBOS-dokumente vir die 2005/2006-siklus teen die keerdatum ingedien is.
3. Die vraag ontstaan of hierdie lae persentasie van dokumente wat ontvang is 'n aanduiding is van hoe getrou of nie die stelsel binne die WKOD toegepas word. Indien dit wel daarop dui dat die stelsel nie getrou toegepas word nie, sal lynbestuurders, met inbegrip van hoofde van onderwysinrigtings aan hulle personeel en die Departement moet verduidelik waarom die PPBOS nie toegepas word nie en waarom die nodige verslae ten opsigte van personeel (hetsy of hulle prestasie "hoër as aanvaarbaar" is of nie en hulle dus kwalifiseer vir prestasiebonusse of nie) nie ingedien is nie.
4. Om die verwante prosesse vir die PPBOS-siklus van 2005/2006 te voltooi, moet alle volledig ingevulde dokumente ten opsigte waarvan die blanko bylaes reeds aan u voorsien is (Bylaes A - D en I, asook Bylae E in gevalle waar dit nog nie ingedien is nie) vir alle staatsdienspersoneel voorgelę word aan die Hoof: Onderwys, Wes-Kaap Onderwysdepartement, Vir aandag: Die PPBOS-beampte, Direktoraat: Personeelbestuur (Staatsdienspersoneel), Kamer 10-11, Privaatsak X9114, Kaapstad, 8000, teen nie later nie as 31 Augustus 2007.
5. Daarbenewens moet benoemdes vir prestasiebonusse binne die 20% normale distribusiekurwe per onderwysinrigting/komponent val. Die indiening van Bylae I waarna in die vorige paragaraf vewys is, is absoluut noodsaaklik aangesien die motivering vir die prestasie van personeel gedurende die prestasiesiklus daarop aangedui moet word. Geen laat verslae sal oorweeg word vir prestasiebonusse nie en lynbestuurders sal weer verantwoordelik en aanspreeklik gehou word vir nie-voorlegging van verslae en griewe wat daaruit mag voortspruit.
6. Bring asseblief die inhoud van hierdie minuut onder die aandag van alle staatsdienspersoneel onder u toesig.


GETEKEN: J.H. HURTER
HOOF: ONDERWYS
DATUM: 2007:08:07