AAN: | HOOFDIREKTEURE EN DIREKTEURE TE HOOFKANTOOR |
| VERSENDING VAN POS VANAF HOOFKANTOOR |
| 1. |
Soos u bewus mag wees, word omsendbriewe en minute in e-posformaat op 'n daaglikse basis aan skole versend maar gedrukte kopieė word aan skole versend wat nie oor e-posfasiliteite beskik nie. Indien omsendbriewe en minute aanhangsels het wat nie per e-pos versend kan word nie, word drukstukke ook beskikbaar gestel.
|
| 2. |
In die lig van die hoė koste verbonde aan die versending van 'n toenemende volume papiergebaseerde pos deur die Hoofkantoor, het hierdie direktoraat in 'n brief gedateer 17 November 1998 die volgende besparingsmaatreėls, wat steeds van krag is, aan alle hoofdirekteure en direkteure bekend gemaak:
|
| 2.1 |
Gewone pos sal slegs op Donderdae deur Registrasie versend word.
|
| 2.2 |
Gedrukte omsendbriewe en minute sal elke derde Donderdag aan skole versend word, tensy daar op direkteursvlak gesertifiseer word dat die omsendbrief of minuut 'n sperdatum bevat en gevolglik so gou as moontlik versend moet word. Indien 'n omsendbrief of -minuut voor die gebruiklike versendingstyd gepos moet word, sal die betrokke direktoraat verantwoordelik gehou word vir die betaling van die posgeld.
|
| 3. |
Die posdatums vir gedrukte omsendbriewe en minute vir 2008 is as volg:
| 10 Januarie 2008 | 31 Januarie 2008 | 21 Februarie 2008 | 13 Maart 2008 |
| 03 April 2008 | 24 April 2008 | 15 Mei 2008 | 05 Junie 2008 |
| 26 Junie 2008 | 17 Julie 2008 | 07 Augustus 2008 | 28 Augustus 2008 |
| 18 September 2008 | 09 Oktober 2008 | 30 Oktober 2008 | 20 November 2008 |
|
| 4. |
Enige navrae in verband met die inhoud van hierdie minuut kan gerig word aan enige van die volgende:
Me Martie Fick
Telefoon: 021 467 2758
E-pos: mfick@pgwc.gov.za
Me Charmaine Currie
Telefoon: 021 467 2757
E-pos: ccurrie@pgwc.gov.za
|
| 5. |
Dit sal waardeer word indien u die inhoud van hierdie minuut onder alle betrokkenes se aandag sal bring.
|
| 6. |
U samewerking sal waardeer word.
|
GETEKEN: W.L. CARELSE
HOOF: ONDERWYS
DATUM: 2007:11:22
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
